भीम रावलको निर्देशनमा नेकपा सुदूरपश्चिमको बैंक खाताबाट ३० लाख रुपैयाँ झिकियो
धनगढी ।
नेपाल कम्युनिस्ट पार्टी नेकपा सुदूरपश्चिमको बैंक खातामा रहेको ३० लाख रूपैयाँ नेकपा प्रचण्ड–नेपाल समूहले झिकेको छ । तत्कालीन नेकपा एमाले र माओवादी केन्द्रको पार्टी एकतापछि नेकपा सुदूरपश्चिमका अध्यक्ष कर्णबहादुर थापा, प्रदेश सचिव नेपबहादुर चौधरी र कार्यालय सचिव दिनेशचन्द्र सुवेदीको नाममा कृषि विकास बैंकको धनगढी शाखामा रहेको संयुक्त खाताबाट ३० लाख झिकिएको नेकपा ओली समूहका नेताले आरोप लगाएका छन् ।
नेकपा ओली समूहका सुदूरपश्चिम अध्यक्ष कर्ण थापाले पार्टी इन्चार्ज भीम रावलको ठाडो निर्देशनमा पार्टीको सम्पत्ति एकलौटीरूपमा अध्यक्षलाई कुनै जानकारी नदिएर झिकिएको आरोप लगाए । ‘पार्टीको सम्पत्ति नासमास गर्न कसैले पनि पाउँदैनन्,’ थापाले भने, ‘यो निकै आपराधिक काम भएको छ । मैले पार्टी विभाजनको अवस्थामा पुगेपछि बैंकका म्यानेजरलाई समेत यस्तो परस्थितिमा निकासा नदिन अनुरोध गरेको थिएँ । तर अहिले बुझ्दा प्रदेश सचिव चौधरी र कार्यालय सचिव सुवेदीले हस्ताक्षर गरेर खातामा रहेको ३३ मध्ये ३० लाख त्यहाँबाट गायब पारिएको छ ।’
थापाले प्रचण्ड–नेपाल समूहका इन्चार्ज भीम रावलको निर्देशनमा सबै काम भएको आरोप समेत लगाएका छन् । ‘भीम रावलको निर्देशनमा सबै काम भएको छ । त्यो अपराधपूर्ण काम हो । कुनै पनि हालतमा यसलाई छोड्नेवाला छैनौँ’, उनले भने– ‘यो कुन राजनीतिसँग मेल खान्छ ? पार्टीमा राजनीतिक हिसाबले चलेको विवाद एकखालले समाधान होला ।’ उनले बैँकका कर्मचारीको समेत रकम झिक्ने कार्यमा संलग्नता भएको दाबी गरेका छन् । नेकपा सुदूरपश्चिमका इन्चार्ज भीम रावलले भने पार्टी अध्यक्ष, सचिव र कार्यालय सचिव गरि तीन जनामध्ये कुनै दुई जनाको नामबाट खाता सञ्चालन भएको बताए ।
‘अध्यक्ष, सचिव र कार्यालय सचिवका नाममा खाता हो । अहिले नेपाल कम्युनिस्ट पार्टी नेकपामा हामी नै बहुमतप्राप्त भएको सबैलाई थाहा छँदै छ,’ रावलले भने– ‘हामी आधिकारिक हो । अब आधिकारिक पार्टीको खाता सञ्चालन उहाँहरूले के प्रयोजनका लागि गर्नुहुन्छ ? रकम चलाउने, पत्राचार गर्ने, त्यो उहाँहरूको अधिकारको कुरा हो । त्यसमा मलाई गालीगलौज गर्नू भनेको निकृष्ट कार्य हो ।’ पार्टीको आधिकारिक व्यक्तिले रकम निकाल्नु स्वभाविक भएको उनले बताए ।
क्याटेगोरी : समाचार
ताजा अपडेट
- बसको ठक्करबाट तीर्थयात्रीको मृत्यु
- नेपाल–चीन सहायता परियोजनाको पहिलो बैठक सम्पन्न
- ओहोदाको प्रमाणपत्र प्रस्तुत
- भगवती लेमिनेट्सको शंकास्पद आगलागी प्रकरणमा शिखर इन्स्योरेन्सको स्वीकृति
- बैंकिङ प्रणालीमा कसरी बढ्यो आठ खर्ब रुपैयाँ निक्षेप ?
- विदेशी लगानी ‘अटोमेसन प्रणाली’बाट ल्याइने
- तरलता व्यवस्थापन गर्न ३५ अर्ब तान्दै राष्ट्र बैंक
- नेपाल र कतारबीच आठ क्षेत्रमा सहकार्य हुने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया