‘व्यावसायिक क्षेत्रको समस्या चाँडै समाधान हुन्छ’
काडमाडौं, पुस २०
उद्योग, वाणिज्य तथा आपूर्तिमन्त्री लेखराज भट्टले व्यावसायिक क्षेत्रमा देखा परेका समस्याको क्रमिक समाधान गर्न आफू र मन्त्रालय सधैँ कटिबद्ध रहने बताए । उनले निजी क्षेत्रसँग सहकार्य गरी परिणाममूलक नतिजा निकाल्न सरकार तयार रहेको भन्दै समग्र निजी क्षेत्रको धारणा प्रस्तुत गर्न समेत आह्वान गरे ।
नेपाल चेम्बर अफ कमर्सका अध्यक्ष राजेशकाजी श्रेष्ठको नेतृत्वमा शुक्रबार मन्त्रालय गएको प्रतिनिधिमण्डलसँगको भेटमा मन्त्री भट्टले चालू आर्थिक वर्षको पाँच महिनामा निकासीको तथ्यांक उत्साहप्रद रहेको उल्लेख गरे । उनले व्यापारघाटा न्यूनीकरण गर्न यो दिगो हुनुपर्ने र निर्यातयोग्य वस्तुहरुको देशगत एवं वस्तुगत रुपमा विविधीकरण गर्नुपर्ने आवश्यकता औँल्याउँदै वस्तुको उत्पादनदेखि निकासी बजार तहसम्म प्रवर्द्धनात्मक कार्य गरी निकासी वृद्धि गर्नुको विकल्प नरहेको दाबी गरे ।
भेटमा उद्योग वाणिज्य तथा आपूर्ति मन्त्रीलाई चेम्बरको तर्फबाट बधाई तथा कार्यकालको शुभकामना दिँदै चेम्बका अध्यक्ष राजेशकाजी श्रेष्ठले औद्योगिक व्यावसायिक ऐनले दिएको सुविधा सहुलियत आर्थिक ऐनले काट्न नहुने बताए । साथै उनले स्थानीय कर र अन्य करको चाप बढ्दै व्यवसायको लागत बढेको र विभागीयस्तरको अधिकार प्रत्योजनको प्रतिशत बढाउनुपर्ने र कम झन्झटिलो बनाउनुपर्ने बताए ।
वैदेशिक लगानी आकर्षित गर्दा स्वदेशमा उपलब्ध स्रोत र साधनको परिचालन हुने गरी लगानी बढाउन प्रोत्साहित गर्नुपर्ने र आपूर्ति व्यवस्थापनमा सरल, सहज र नियमित आपूर्ति व्यवस्था गर्न ‘बफर स्टक’को व्यवस्था गर्नुपर्ने उनको भनाइ थियो । पुराना ऐन कानुन खारेज गरी समयानुकूल ऐन कानुनको तर्जुमा गरी उपभोक्ता एवं व्यवसायीमैत्री कानुनको तर्जुमा र परिपालना गर्नुपर्ने बताए ।
क्याटेगोरी : समाचार
ताजा अपडेट
- बागमती प्रदेशसभाको बैठक आज राति १२ बजेदेखि अन्त्य
- उपनिर्वाचनको मौन अवधि आज रातिदेखि
- त्रिविका कानुनी सल्लाहकार खनाललाई कारबाही नगर्न आदेश
- अन्तर्राष्ट्रिय वित्तीय संस्थाका प्रतिनिधिद्वारा अर्थमन्त्रीसँग भेट
- १७ वर्षपछि कर्तव्य ज्यान मुद्दाका फरार प्रतिवादी पक्राउ
- बोलेरोको ठक्करबाट तीन युवकको मृत्यु
- एक सय वर्षदेखिको इतिहास धार्मिक पर्यटनसँग जोडिँदै
- रङ्गशाला निर्माण सम्झौता भङ्ग गर्ने राखेपको निर्णयप्रति जनकपुरधाम उपमहानगरको विरोध
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया