Techie IT
×
गृहपृष्ठसमाचारधितोपत्र बोर्डको अध्यक्षमा ढुंगाना

धितोपत्र बोर्डको अध्यक्षमा ढुंगाना


काठमाडौं, पुस २२
नेपाल धितोपत्र बोर्डको अध्यक्ष पदमा भीष्मराज ढुंगाना नियुुक्त भएका छन् । मन्त्रिपरिषद्को सोमबार बसेको बैठकले ढुंगानालाई आगामी चार वर्षीय कार्यकालको लागि अध्यक्ष पदमा नियुुक्त गरेको हो । अर्थशास्त्रमा एमए र बेलायतबाट बिजनेस फाइनान्समा एमबीए गरेका ढुुंगाना नेपाल राष्ट्र बैंकको कार्यकारी निर्देशकबाट अवकाश पाएका व्यक्ति हुुन् । अध्यक्ष पदमा नियुुक्त हुुनुुअघि ढुंगाना बोर्डकै विज्ञ सदस्य थिए । नेपाल राष्ट्र बैंकमा रहँदा ढुंगानाले विदेशी विनिमय विभागलगायतका महत्वपूर्ण विभागहरुको जिम्मेवारी सम्हालेका थिए ।

यसअघि बोर्डको अध्यक्ष पदमा डा. रेवत बहादुर कार्की रहेका थिए । कार्कीको कार्यकाल सकिएलगत्तै बोर्डको अध्यक्ष पदको लागि छनौट समिति गठन गरिएको थियो । उक्त समितिले अध्यक्ष पदको लागि ढुंगानासहित, निरज गिरी र डा. केशव श्रेष्ठको नाम सिफारिस गरेर पठाएको थियो । उक्त नामावलीबाट मन्त्रिपरिषद्ले ढुंगानालाई बोर्डको अध्यक्ष पदमा नियुक्त गरेको हो ।


क्याटेगोरी : समाचार

तपाईको प्रतिक्रिया