स्वर्गीय नेता तामाङको सम्झनामा स्मृति भवन निर्माण
दोलखा ।
दोलखाको विगु गाउँपालिकामा पूर्वमन्त्री एवं नेपाली कांग्रेसका नेता स्वर्गीय भिमबहादुर तामाङको सम्झनामा स्मृति भवन निर्माण गरिएको छ । तामाङको सम्झनामा नेपाली कांग्रेस विगुले आलाम्पुमा निर्माण गरेको भिमबहादुर तामाङ स्मृति भवन निर्माणको गतबुधबार कांग्रेस नेता जिपछिरीङ शेर्पाले उद्घाटन गरेका थिए । कांग्रेसका जिल्ला कार्यसमिति सदस्य हस्तबहादुर थामीको सक्रियतामा उक्त भवन निर्माण गरिएको हो ।
भवन निर्माणका लागि कांग्रेस नेता तथा कार्यकर्ताले आर्थिक सहयोग गरेको भवन निर्माण समितिका अध्यक्ष हस्तबहादुर थामीले जानकारी दिए । त्यसैगरी जिरी नगरपालिकामा पनि तामाङको स्मृति भवनको बनाइने भएको छ । उक्त भवन निर्माणका लागि जिरीमा शनिबार एक कार्यक्रमको आयोजना गरी नेता शेर्पाले भवनको शिलान्यास गरे । जिरी नगरपालिका वडा नम्बर ५ मा निर्माण हुने स्मृति भवनको लागि जिरी नगरपालिका नेपाली कांग्रेसका उपसभापति नरबहादुर जिरेलले करिब छ आना जग्गा दान गरेका छन् ।
भवन निर्माण गर्न नेता शेर्पाले पाँच लाख ५१ हजार, स्कुल अफ डेमोक्रेसी दोलखाका अध्यक्ष प्रभुराम श्रेष्ठले पाँच लाख, नेपाली कांग्रेस दोलखाका पार्टी सभापति रुद्रबहादुर खड्काले एक लाख एक हजार, च्यागा शेर्पाले ५० हजार आर्थिक सहयोग गरेका छन् । स्मृति भवन एक वर्षभित्र निर्माण हुने भिमबहादुर तामाङ स्मृति भवन निर्माण समिति जिरीका उपसंयोजक एवं भवन निर्माण समितिका उपाध्यक्ष बाबुराजा श्रेष्ठले जानकारी दिए ।
क्याटेगोरी : समाचार
ताजा अपडेट
- एक सातापछि अवरुद्ध टेलिफोन सेवा सञ्चालनमा
- अफ्रिकी किशोरी भन्छन्: नेपाली भाषा र संस्कृति लैजान्छौँँ
- एकीकृत समाजवादीले सदस्यताको प्रमाणीकरण गर्दै
- सुनको मूल्य तोलामा सात सयले बढ्यो
- दक्षिण कोरिया आर्थिक विकासको सुत्र
- लगानी कोष र सिउरी न्यादी पावरबीच सम्झौता
- ‘नवीकरणीय ऊर्जा वर्ष’ मनाउने तयारी
- निर्वाचन आयोगको नेतृत्वमा इलाम क्षेत्र नम्बर २ मा उच्चपदस्थ अधिकारीको अनुगमन
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया