काठमाडौं ।
राष्ट्रिय गौरवको आयोजनाको रूपमा रहेको सुनकोशी–मरिन डाइभर्सनको शिलान्यास गरिएको छ । आयोजनाको प्रधानमन्त्री केपी शर्मा ओलीले बिहीबार शिलान्यास गरेका हुन् । आयोजनाको सिन्धुलीमा शिलान्यास गर्दै प्रधानमन्त्री ओलीले अब तराईको माटो रसिलो र मलिलो हुने बताए ।
प्रदेश २ वनको सन्दर्भमा निकै पछाडि रहेको भन्दै उनले यसलाई अब फलफूलको बगैँचामय बनाउने समेत बताए । त्यसबाट उत्पादित फलफूल प्रचुरमात्रामा निर्यात गर्न सकिने उनको भनाइ थियो । प्रधानमन्त्री ओलीले आफूलाई केहीले मधेशविरोधी भनेर प्रचार गर्ने गरेको भन्दै केपी ओली मधेश नपसे पनि पानी पसाइदिएर खेतचाहिँ भिजाइदिने बताए ।
उक्त डाइभर्सनबाट प्रदेश २ का जिल्लामा एक लाख ८५ हजार बिघा सिँचाइ गर्ने लक्ष्य राखिएको छ । साथै डाइभर्सनको पहिलो विन्दुबाट ३१ मेगावाट बिजुली उत्पादन गर्ने लक्ष्य सरकारकाले लिएको छ । साथै सुनकोशी–कमला डाइभर्सनबाट अर्को एक लाख ७० हजार बिघा थप सिँचाइ हुने प्रधानमन्त्री ओलीको भनाइ छ । कार्यक्रममा उनले देश अब विकासको बाटोमा गएको र यसबाट पछि नफर्किने बताए ।
एक सय चार वर्षअघि बनेको सुरुङ पुनर्निर्माण गर्नेदेखि आधुनिक सुरुङको युग समेत सुरु भएको उनको भनाइ छ । साथै उनले आगामी तिहारदेखि विद्युतीय बस सञ्चालन गरिने पनि जानकारी दिए । अहिले अर्बौँको औद्योगिक क्षेत्र विकास गर्दै उल्लेख गर्दै उनले दुर्गम ठाउँ पनि केबलकार निर्माणलाई प्राथमिकता दिइने बताए । जनताको सुरक्षा गर्ने योजना सरकारले ल्याएको र विकास आयोजनाको काम अघि बढाएको भन्दै उनले तीन वर्षमा देशले आश्चर्यजनक प्रगति गरेको दाबी गरे ।
विकासको गतिमा हिँड्दा बीच–बीचमा आफूलाई केही तत्वहरुले प्रहार गरेको समेत बताए । ‘हामीले हुर्काएको बिरुवा कहिले हावा आएर भाँच्छ । पहिरोले पर्खाल भत्काउँछ’, उनले भने, ‘तर त्यो स्वर्गतिर हिँड्दा युधिष्ठिरहरू ढलेजस्तो होईन, एउटा ढले हजारौं भएर निस्किन्छौँ ।’
क्याटेगोरी : समाचार
ताजा अपडेट
- कतारका अमिरको आश्वासन: नेपाली श्रमिकलाई ‘राम्रो सुविधा’ हुने क्षेत्रमा रोजगारी
- तराईका केही स्थानमा हुरीबतासको चेतावनी, बाँकी भागमा मौसम सफा रहने
- चेम्बर सल्लाहकार परिषद् अध्यक्षमा श्रेष्ठ
- राष्ट्रपतिद्वारा कतारका अमिरको सम्मानमा रात्रिभोज आयोजना
- राष्ट्रपति पौडेलद्वारा जोशीको रिहाइका लागि पहल गरिदिन कतार अमिरलाई आग्रह
- राष्ट्रपति पौडेल र कतारका अमिर अल थानीबीच भेटवार्ता
- कतारका अमिर नेपालमा, राष्ट्रपति पौडेलबाट स्वागत
- प्रज्ञा स्मृति प्रतिष्ठानको आयोजनामा प्रकाश दाहाल स्मृति भलिबल प्रतियोगिता हुने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया