‘कृषि क्षेत्र अब आधुनिक क्षेत्रमा प्रवेश’
काठमाडौं ।
प्रधानमन्त्री केपी शर्मा ओलीले कृषि क्षेत्र अब आधुनिक क्षेत्रमा प्रवेश गरेको बताएका छन् । कृषि तथा पशुपन्छी विकास मन्त्रालयले तयार पारेको किसान सूचीकरण व्यवस्थापन प्रणालीको शुभारम्भ गर्दै उनले यस प्रणालीमार्फत कुन किसानलाई कस्तो सहयोग गर्नुपर्ने सबै थाहा हुने बताए । साथै उनले सरकारले व्यावसायिक सीप विकासका लागि जिल्ला जिल्लामा तालिम सञ्चालन गर्ने बताए ।
कृषिमा आधारित उद्योग खोल्न राज्यले सहयोग गर्ने बताउँदै उनले किसानलाई कृषि पेसाबाट विस्थापित हुने समस्या सधैंको लागि अन्त्य भएको दाबी गरे । किसानलाई सामूहिक खेती प्रणालीमा संलग्न गराएर उत्पादनमा लगाउनुपर्ने उनको भनाइ थियो ।
कृषि क्षेत्रमा दिइने अनुदान नगदमा नभएर जिन्सी सामग्री खरिद गरेर दिनुपर्ने उनले बताए । साथै उनले हरेकको भान्सालाई अस्पतालको रूपमा विकास गर्न सकेमा स्वस्थ्य नेपाल निर्माण गर्न सकिने बताए । कृषिलाई जति बढी अर्गानिक बनाउन सक्यो त्यति बढी हाम्रो भान्सालाई अस्पताल बनाउन सकिने उनको भनाइ थियो । नेपाली कृषि प्रणालीलाई आधुनिकीकरण गर्नका निम्ति सरकारले प्रयास गर्दै आएको भन्दै उनले सहयोगी हाताहरूको सहयोग खेर नजाने बताए । कार्यक्रममा कृषि मन्त्री पद्माकुमारी अर्यालले अब सरकारबाट उपलब्ध हुने सेवा सुविधा वास्तविक किसानले पाउने बताइन् । किसानको नाममा राज्यको थुप्रै सम्पत्ति दुरूपयोग भए पनि अब सूचीकरण भएपछि यस्तो समस्या नआउने दाबी गरिन् ।
यो प्रणाली लागू भएसँगै वितरणमा भएको झमेला, संघ र प्रदेशले गरेका कार्यक्रममा हुने दोहोरोपनाको अन्त्य हुने उनको भनाइ थियो । कृषिको औद्योगिकीकरणका निम्ति सरकार लागिरहेको भन्दै उनले हिजोको कृषि र आजको कृषिमा फरक अनुभूति गर्नेगरी अगाडि बढेको बताइन् । समाजवादसम्म पुग्न सबै किसानलाई उत्पादनसँग जोड्नुपर्ने बताउँदै उनले ठूल्ठूला क्षेत्रमा उत्पादन गरेर कृषिमा आत्मनिर्भर हुनेतर्फ अगाडि बढेको दाबी गरिन् । पाँच वर्षभित्र नेपाल कृषिमा आत्मनिर्भर भई अन्य देशलाई निर्यात गर्ने समेत बताइन् ।
किसान सूचीकरण व्यवस्थापन प्रणाली कार्यक्रम सञ्चालन गर्नका निम्ति युरोपियन युनियनले सहयोग गरेको छ । यस प्रणालीमार्फत किसानका सूचना तथा विवरणहरू एकीकृतरूपमा व्यवस्थापन गरी किसानलाई पहिचान दिलाउन विद्युतीय प्रविधिमा आधारित तथ्याङ्क भण्डारण गर्ने प्रविधिको विकास गरिएको मन्त्रालयले जनाएको छ ।
सातै प्रदेशमा सञ्चालन हुने किसान सूचीकरण प्रणाली सातै प्रदेशका सबै पालिकामार्फत सञ्चालन हुनेछ । कृषि पेसा र व्यवसायमा संलग्न रहेका किसानले सरकारबाट उपलब्ध हुने अनुदान र सहायता प्राप्त गर्नका लागि किसान सूचीकरण संकेत नम्बर अनिवार्य रहेको छ । त्यसका लागि किसान सूचीकरण सफ्टवेयर प्रणालीमा आबद्ध हुनुपर्ने हुन्छ । किसान सूचीकरण प्राप्त गर्न तोकिएका संक्षिप्त विवरणहरू भर्नुपर्ने हुन्छ ।
क्याटेगोरी : समाचार
ताजा अपडेट
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया