आपराधिक गतिविधि रोक्न सीमा क्षेत्रमा सीसीटीभी जडान
बीरगञ्ज ।
सशस्त्र प्रहरी बल नेपाल छिन्नमस्ता बाहिनी मुख्यालय प्रदेश नं २ महोत्तरीले सीमा क्षेत्रमा हुने आपराधिक गतिविधि तथा चोरी तस्करी नियन्त्रण गर्न प्रदेशभित्रका सबै जिल्लामा सीसीटीभी क्यामरा जडान गर्न थालेको छ । छिमेकी मुलुक भारतीय सीमासँग जोडिएको प्रदेश २ को सप्तरीदेखि पर्सासम्म चार सय ६४ किलोमिटर जोडिएको खुला सीमामा हुने आपराधिक गतिविधि तथा चोरी तस्करीलाई रोकथाम तथा नियन्त्रण गर्न सीमा क्षेत्रमा करिब दुई सय सीसीटीभी क्यामरा जडान गर्न लागिएको प्रदेश २ का सशस्त्र प्रहरी नायब महानिरीक्षक चन्द्रप्रकाश गौतमले जानकारी दिए ।
उनका अनुसार बारा जिल्लाको सीमाक्षेत्रमा १४ वटा सीसी क्यामरा सञ्चालन रहेको छन् । पाँचवटा क्यामराको सामान उपलब्ध भए पनि त्यो अहिले सञ्चालमा आएको छैन । यसैगरी पर्सा जिल्लामा २५ वटा क्यामरा जडान गर्ने लक्ष्य रहेको डीआईजी गौतमले बताए । ती जडान भएका सीसीटीभी क्यामराको सशस्त्र प्रहरीको जिल्ला कार्यालय तथा प्रदेश २ को मुख्यालयबाट सीमा क्षेत्रको गतिविधि हेर्न सकिने व्यवस्था गरिएको छ । यसैगरी सीमाक्षेत्रमा रहेका सशस्त्र प्रहरीले आचरणविपरीत काम गरेको भन्दै प्रदेश २ भरि आठ सशस्त्र अधिकृतसहित ६० भन्दा बढीलाई कारबाही गरेको गौतमले जानकारी दिए ।
यस्तै सशस्त्र प्रहरीले भारतबाट नेपाल भित्रिने तथा नेपालबाट भारततर्फ तस्करी हुनलागेका विभिन्न सामग्रीलगायतका सामानहरू बरामद गरी १२ करोड ६५ लाख रूपैयाँ पछिल्लो ३ महिनामा राजस्व दाखिला गराएको छ । बाहिनीले अवैधरूपमा भित्रिएका पशु चौपाया, सवारीसाधन र सवारीसाधनको एक करोड ३६ लाख र अन्य सामानहरूको सात करोड २० लाख २२ हजार आठ सय ९५ सहित तीन महिनामा १२ करोड ६५ लाख ६१ हजार पाँच सय २५ रूपैयाँ राजस्व दाखिला गरेको बाहिनीले जनाएको छ ।
छिन्नमस्ता बाहिनी मुख्यालयको माहतमा रहेको ६ नम्बर गण सप्तरी, ७ नम्बर गण सिरहा, ८ नम्बर गण धनुषा, ९ नम्बर गण महोत्तरी, १० नम्बर गण सर्लाही, ११ नम्बर गण रौतहट, १२ नम्बर गण बारा र १३ नम्बर गण पर्साले दुई सय ६० केजी गाँजा, दुई हजार १८८ वटा डाइजेपाम, दुई हजार तीन सय ३३ वटा फेनार्गन, दुई सय पत्ता नाइट्रोभेटलगायतका लागुऔषध बरामद गरेको छ भने यसबीचमा नक्कली पेस्तोल एक नाल, कुटुवा पेस्तोल दुई नाल, सेमी अटोमेटिक पेस्तोल एक नाल र दुई राउन्ड म्याग्जिन बरामद गरेको छिन्नमस्ता बाहिनीका बाहिनीपति सशस्त्र डीआईजी चन्द्रप्रकाश गौतमले जनाकारी दिए ।
क्याटेगोरी : समाचार
ताजा अपडेट
- बागमती प्रदेशसभाको बैठक आज राति १२ बजेदेखि अन्त्य
- उपनिर्वाचनको मौन अवधि आज रातिदेखि
- त्रिविका कानुनी सल्लाहकार खनाललाई कारबाही नगर्न आदेश
- अन्तर्राष्ट्रिय वित्तीय संस्थाका प्रतिनिधिद्वारा अर्थमन्त्रीसँग भेट
- १७ वर्षपछि कर्तव्य ज्यान मुद्दाका फरार प्रतिवादी पक्राउ
- बोलेरोको ठक्करबाट तीन युवकको मृत्यु
- एक सय वर्षदेखिको इतिहास धार्मिक पर्यटनसँग जोडिँदै
- रङ्गशाला निर्माण सम्झौता भङ्ग गर्ने राखेपको निर्णयप्रति जनकपुरधाम उपमहानगरको विरोध
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया