Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठसमाचारबझाङमा भारी हिमपातले पनि रोक्न सकेन भुव पर्वलाई

बझाङमा भारी हिमपातले पनि रोक्न सकेन भुव पर्वलाई


बझाङ, पुस २५
एक सातासम्म लगातार वर्षात् र हिमपात भइरहेको बेला पनी बझाङ मष्टा गाउँपालिका स्थानीय भुव खेलिरहेका छन् । अहिले पनि जिल्लामा निरन्तर हिमपात भइरहेको छ तर पनि स्थानीयहरुमा भुव पर्वको उल्लास छ । गत पुस ९ गतेदेखि सुरू भएको भुव पर्व पुस महिनाभर मनाइने स्थानीय सन्तोष धामीले बताए । मुखियाको घरबाट पाँच पान्डपको दियो बाली राँको सल्काएपछि मात्र भुव पर्व सुरू भएको मानिन्छ भने भुवाखाडामा अन्तिम दिन खसीको बली दिएर भुव सेलाएको मान्ने चलन छ । गाउँका तन्देरी बूढापाकाले हातमा ढाल, तरवार समाती कौरव र पाण्डवको लडाइँको स्मरण गरी पुस महिनामा प्रत्येक वर्ष भुव पर्व मनाउने गर्छन् । हिउँदको समयमा केही पनि काम नभएकाले बिहे गरेर गएका चेलीबेटी पनि भुव हेर्ने माइती घर आउने चलन रहेको छ ।


क्याटेगोरी : समाचार

तपाईको प्रतिक्रिया