ट्राफिक प्रहरीलाई स्टप बोर्ड हस्तान्तरण

काठमाडौँ, पुस २७
सहरी विकास मन्त्रालय र महानगरीय ट्राफिक प्रहरी महाशाखाको समन्वयमा काठमाण्डौं उपत्यकाको विभिन्न स्थानहरुमा पैदल यात्रुहरुलाई अनिवार्य रुपमा जेब्रा क्रसिङ, आकाशे पुल तथा तोकिएको ठाउँबाट बाटो काट्न सुसूचित गर्ने प्रयोजनका लागि एक सय २० थान स्टप बोर्ड प्रदान गरिएको छ । उक्त बोर्ड सहरी विकास मन्त्रालयका राज्यमन्त्री रामवीर मानन्धरले महाशाखाका प्रमुख प्रहरी वरिष्ठ उपरीक्षक भीमप्रसाद ढकाललाई एक समारोहका बीच हस्तान्तरण गरेका हुुन् ।

राज्यमन्त्री मानन्धरका अनुसार कुनै पनि पैदल यात्रुहरुले सवारी दुर्घटनाबाट अनाहकमा ज्यान गुमाउन नपरोस तथा सुरक्षित रुपमा तोकिएको स्थानबाट मात्र बाटो काट्न सजिलो होस भनेर यो बोर्ड हस्तान्तरण गरिएको हो । महाशाखाका प्रमुख ढकालले “उक्त बोर्डहरु काठमाण्डौं उपत्यकाको सम्पूर्ण जेब्राक्रसिङ, आकाशेपुल तथा पैदल यात्रुहरुले बाटो काट्ने स्थानमा बोर्ड देखाएर बाटो काट्न लगाउने र पैदल यात्रुहरुले पनि यसलाई प्रभाबकारी र परिणाममूखी बनाउदै सुरक्षित यात्रामा सहयोग गर्न समेत अनुरोध गर्दुछ“ भने । उक्त बोर्डहरु सफर नेपाल ट्राभल एण्ड टुुर्स प्रा.ली.ले आाफ्नो सामाजिक उत्तरदायित्व बहन गर्दै तयार पारेको हो ।