‘प्रदेश ३’ अब ‘बागमती’, राजधानी हेटौंडा

काठमाडौं, पुस २८
आइतबार बसेको संघीय राजधानीसमेत रहेको प्रदेश ३ को प्रदेशसभाको बैठकले प्रदेशको नाम ‘बागमती’ र राजधानी हेटौँडा पारित गरेको छ । आइतबार साँझ नै प्रदेश सचिवालयले प्रदेश राजपत्र प्रकाशित गरी नेपालको संविधानको धारा २८८ को उपधारा (२) बमोजिम प्रदेशको राजधानी ‘हेटौँडा’ र संविधानको धारा २९५ को उपधारा (२) बमोजिम प्रदेशको नाम ‘बागमती’ नामकरण गरेको जनाएको छ ।

प्रदेशको आइतबारको बैठकमा मुख्यमन्त्री डोरमणि पौडेलले प्रदेश ३ को स्थायी राजधानी हेटाँैडालाई गरेको प्रस्ताव दुई तिहाइभन्दा पनि बढी मतबाट स्वीकृत भएको छ । सो प्रस्तावमा मतदान हुँदा उपस्थित १०८ प्रदेशसभा सदस्यमध्ये १०५ जनाले प्रस्तावको पक्षमा मतदान गरेका थिए । बैठकमा साझा विवेकशील पार्टीका नेता रमेश पौडेलले काभे्रको धुलिखेललाई राजधानी बनाइयोस् भनी प्रस्तुत गरेको प्रस्तावलाई बैठकले अस्वीकृत ग-यो । सो प्रस्तावमा मतदान हुँदा उपस्थित १०४ सदस्यमध्ये १०१ सदस्यले विपक्षमा मतदान गरेका कारण पक्षमा तीन मतमात्र परेको थियो ।