देशभर ६६ हजार तीन सय ५२ जना सक्रिय संक्रमित
काठमाडौँ उपत्यकामा मात्रै ३० हजार एक सय ५५ जना
काठमाडौं ।
काठमाडौं उपत्यकामा बुधबारसम्म ३० हजार एक सय ५५ जना कोरोनाका सक्रिय संक्रमित रहेका छन् । स्वास्थ्य तथा जनसंख्या मन्त्रालयका अनुसार काठमाडौं जिल्लामा २२ हजार आठ सय आठ, ललितपुरमा चार हजार छ सय र भक्तपुरमा दुई हजार सात सय ४७ जना कोरोनाका सक्रिय संक्रमित रहेका छन् । देशभर सक्रिय सङ्क्रमितको सङ्ख्या ६६ हजार तीन सय ५२ पुगेको छ ।
यस्तै, बुधबार मात्रै उपत्यकामा एकै दिन तीन हजार आठ सय २५ जनामा कोरोना सङ्क्रमण पुष्टि भएको छ । काठमाडौंँमा दुई हजार आठ सय ४९, भक्तपुरमा चार सय ५८ र ललितपुरमा पाँच सय १८ जना कोरोना सङ्क्रमित भेटिएको मन्त्रालयले जनाएको छ । एकै दिन काठमाडौँ उपत्यकामा १५ जनाको मृत्यु भएको छ ।
कोरोना भाइरसको सङ्क्रमणबाट बुधबार देशभर ५८ जनाको मृत्यु भएको मन्त्रालयले जनाएको छ । नेपालमा हालसम्म कोरोना सङ्क्रमणबाट मृत्यु हुनेको सङ्ख्या तीन हजार चार सय ७५ पुगेको छ । यस अवधिमा एक हजार नौ सय ९३ जना कोरोनामुक्त भएका छन् । हालसम्म कोरोनाबाट निको हुनेको सङ्ख्या दुई लाख ८९ हजार सात सय ८३ पुगेको मन्त्रालयले जनाएको छ ।
बुधबार नेपालमा थप आठ हजार छ सय ५९ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । यो अवधिमा पीसीआर विधिबाट आठ हजार छ सय पाँच र एन्टिजेन विधिबाट ५४ जनामा सङ्क्रमण पुष्टि भएको मन्त्रालयका प्रवक्ता जागेश्वर गौतमले बताए । पीसीआर विधिबाट २० हजार सात सय ५६ र एन्टिजेन विधिबाट छ सय १६ गरी २१ हजार तीन सय ७२ को स्वाब परीक्षण गरिएको थियो ।
अब नेपालमा हालसम्म कोरोना भाइरस सङ्क्रमितको सङ्ख्या तीन लाख ५९ हजार छ सय १० पुगेको छ । कोरोना सङ्क्रमण भएका चार हजार सात सय ६४ जना संस्थागत आइसोलेसनमा र ६१ हजार पाँच सय ८८ जना होम आइसोलेसनमा रहेका छन् । आइसीयुमा छ सय र भेन्टिलेटरमा एक सय ५६ जना उपचार गराइरहेका छन् ।
५६ जिल्लामा निषेधाज्ञा : बुधबार रातिसम्म देशभरका ५६ जिल्लामा निषेधाज्ञा घोषणा भएको छ । गृह मन्त्रालयका अनुसार धनकुटा, सिन्धुपाल्चोक, इलाम, तनहुँ, म्याग्दीमा आंशिक निषेधाज्ञा लगाइएको छ भने देलखा, नवलपरासी पश्चिम, सिराहा, बारा, मुगु, रोल्पा, नवलपरासी पूर्वमा भने जिल्लाभर निषेधाज्ञा लगाइएको छ ।
मुलुकमा कोभिड–१९ सङ्क्रमण बढ्दो क्रममा रहेसँगै नियन्त्रणका लागि निषेधाज्ञा जारी गरिएको हो । वैशाख ७ देखि जारी हुनथालेको निषेधाज्ञा बुधबारबाट ५६ जिल्लामा पुगेको हो । सरकारले दिएको अधिकार प्रयोग गर्दै विभिन्न जिल्लामा प्रमुख जिल्ला अधिकारीबाट निषेधाज्ञ जारी गरी कोभिड–१९ सङ्क्रमण रोकथामको प्रयास भइरहेको छ ।
यसअघि नै बाँके, सुर्खेत, काठमाडौँ, ललितपुर, भक्तपुर, कास्की, कैलाली, पर्सा, दाङ, कञ्चनपुर, पाल्पा, चितवन, रूपन्देही, बाग्लुङ, बर्दिया, सल्यान, सुनसरी, दार्चुला, जाजरकोट, रुकुम पश्चिम, डडेल्धुरा, झापा, मोरङ र गुल्मीमा निषेधाज्ञ लागू गरिएको छ ।
यस्तै प्यूठान, काभ्रेपलाञ्चोक, गोरखा, बाजुरा, उदयपुर, मकवानपुर, बझाङ, कालिकोट, स्याङजा, कपिलवस्तु, रामेछाप, ताप्लेजुङ र बैतडी, नुवाकोट, धनुषा, महोत्तरी, डोल्पा, डोटी, नवलपरासी पूर्व, दैलेख, अर्घाखाँची र रोल्पामा पनि आदेश कार्यान्वयनमा छ । त्यसमध्ये बाग्लुङ, दार्चुला, मोरङ, काभ्रेपलाञ्चोक, मकवानपुर, गोरखा, कालिकोट, स्याङ्जा, रामेछाप, ताप्लेजुङ, तनहुँ र म्याग्दी आंशिक निषेधाज्ञा छ ।
क्याटेगोरी : समाचार
ताजा अपडेट
- अमिरको भ्रमणमा विपिन जोशीको रिहाइको पहलदेखि श्रमिकको ज्याला बढाउनेसम्मका विषय उठाइने
- बागमती, गण्डकी र कर्णालीमा हल्का वर्षा हुने
- आगलागी हुँदा सात बिघा जमिनको गहुँबाली नष्ट
- लुम्बिनी प्रदेशमा सरकार विस्तार
- तातोपानी भन्सारमा नौ महिनामा लक्ष्यभन्दा बढी राजस्व सङ्कलन
- मधेश सरकारद्वारा मन्त्रिपरिषद् विस्तार
- राष्ट्रपतिद्वारा अन्जान शाक्य राष्ट्रिय सभा सदस्यमा मनोनीत
- पर्यटकको बसाइ लम्ब्याउन नयाँ गन्तव्यको खोजी
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया