प्रधानमन्त्री ओलीको कोरोना रिपोर्ट नेगेटिभ
आठ हजार चार सय १८ मा कोरोना
काठमाडौं ।
प्रधानमन्त्री केपी शर्मा ओलीलाई कोरोना सङ्क्रमण नदेखिएको इपिडिमियोलोजी तथा सरुवा रोग नियन्त्रण महाशाखाले जनाएको छ । महाशाखाका निर्देशक डा. कृष्ण पौडेलको भनाइ उद्धृत गर्दै राससले जनाएअनुसार प्रधानमन्त्री ओलीको पीसीआर रिपोर्ट नेगेटिभ आएको हो ।
शुक्रबार प्रधानमन्त्रीसहित उनका स्वकीय र निजी सचिवालय तथा सुरक्षा निकाय र चालक दलका सयभन्दा बढीको पीसीआर परीक्षण गरिएको थियो । प्रधानमन्त्रीका प्रेस सल्लाहकार सूर्य थापा र प्रमुख स्वकीय सचिव इन्द्रप्रसाद भण्डारीलाई पुनः कोभिड–१९ सङ्क्रमण देखिएको छ । यसअघि पनि थापा र भण्डारीलाई सङ्क्रमण देखिएको थियो ।
यसैबीच, शनिबार आठ हजार चार सय १८ जना कोरोनाका नयाँ सङ्क्रमित फेला परेका छन् । स्वास्थ्य तथा जनसंख्या मन्त्रालयका अनुसार १८ हजार तीन सय चार नमूना परीक्षण गरिएकामा उक्त संख्यामा सङ्क्रमित फेला परेका हुन् । पछिल्लो २४ घण्टामा कोरोनाका कारण ५३ जनाको ज्यान गएको छ । यस्तै, तीन हजार तीन सय ७० जना निको भएका छन् । मन्त्रालयका अनुसार कुल तीन हजार छ सय ३२ जनाको हालसम्म मृत्यु भएको छ । हालसम्म कुल २६ लाख १५ हजार सात सय २० जनाको परीक्षण गरिएको छ ।
कुल तीन लाख ८५ हजार आठ सय ९० जनामा कोरोना पोजेटिभ देखिएको छ । तीमध्ये आइसोलेसनमा पुष्टि भएका केसको संख्या ८३ हजार चार सय ९३ रहेको छ । मन्त्रालयका अनुसार हालसम्म दुई लाख ९८ हजार सात सय ६५ जना निको भएका छन् । मन्त्रालयका अनुसार काठमाडौँमा दुई हजार दुई सय ७० जना नयाँ सङ्क्रमित थपिएका छन् । यस्तै भक्तपुरमा तीन सय ८१ जना र ललितपुरमा चार सय ६२ जनामा कोरोना सङ्क्रमण पुष्टि भएको छ । मन्त्रालयका अनुसार काठमाडौँमा सक्रिय सङ्क्रमितको संख्या २६ हजार चार सय २६ छन् ।
निको भएकाको संख्या एक लाख १४ हजार पाँच सय ८०, मृत्यु भएकाको सङ्ख्या आठ सय २० रहेको छ । भक्तपुरमा तीन हजार पाँच सय ४० जना सक्रिय सङ्क्रमित छन् भने निको भएकाको सङख्या नौ हजार नौ सय १४ छन् भने एक सय ७२ जनाको ज्यान गएको छ । ललितपुरमा हाल सक्रिय संक्रमितको सङ्ख्या पाँच हजार सात सय १२ छ भने निको भएकाको सङ्ख्या १७ हजार आठ सय १३ छ । यस्तै कोरोनाका कारण दुई सय ३३ जनाको ज्यान गएको छ ।
क्याटेगोरी : समाचार
ताजा अपडेट
- गत वर्ष सडकमार्गबाट चार लाख पर्यटक मुस्ताङ पुगे
- एक सातापछि अवरुद्ध टेलिफोन सेवा सञ्चालनमा
- अफ्रिकी किशोरी भन्छन्: नेपाली भाषा र संस्कृति लैजान्छौँँ
- एकीकृत समाजवादीले सदस्यताको प्रमाणीकरण गर्दै
- सुनको मूल्य तोलामा सात सयले बढ्यो
- दक्षिण कोरिया आर्थिक विकासको सुत्र
- लगानी कोष र सिउरी न्यादी पावरबीच सम्झौता
- ‘नवीकरणीय ऊर्जा वर्ष’ मनाउने तयारी
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया