हुण्डीको ८२ लाख रुपैयाँसहित चार जना पक्राउ
काठमाडौं ।
पर्सा प्रहरीले अवैध वित्तीय कारोबार (हुण्डी)को ८२ लाख रुपैयाँसहित कारोबारमा संलग्न चार जनालाई पक्राउ गरेको छ । जिल्ला प्रहरी कार्यालय पर्साका अनुसार उनीहरूलाई बुधबार दिउँसो १ बजे वीरगञ्ज महानगरपालिका वडा नम्बर–३ आदर्शनगरबाट पक्राउ गरिएको हो ।
पक्राउ पर्नेमा बारा महागढीमाई नगरपालिका वडा नम्बर ४ का १८ वर्षीय कलामुद्दिन अन्सारी, भारत बिहारका २७ वर्षीय विकास कुमार, २२ वर्षीय गुड्डुकुमार र १८ वर्षीय साहिल गुप्ता रहेको जिल्ला प्रहरी कार्यालय पर्साका प्रहरी नायब उपरीक्षक (डीएसपी) ओमप्रकाश खनालले जानकारी दिए । उनका अनुसार प्रहरीले सो ठाउँमा अवैध वित्तीय कारोबार (हुण्डी) भइरहेको सूचना पाएको र सोही सूचनाको आधारमा खटिएको टोलीले उनीहरूलाई पक्राउ गरेको हो । प्रहरीले अन्सारीको झोलामा हेर्दा २५ लाख फेला पारेको थियो ।
त्यस्तै, विकास कुमारमा छानबिन गर्दा दुईवटा कालो ब्याग र दुईवटा हेल्मेटभित्र ५७ लाख ५० हजार फेला पारेको खनालले बताए । स्रोत नखुलेको रकम हुण्डी कारोबारमा प्रयोग हुने गरेको छ । उनीहरूले रकमको स्रोत खुलाउन नसकेपछि प्रहरीले उनीहरूलाई ना.८ प.४८९७ नम्बरको मोटरसाइकलसहित नियन्त्रणमा लिएको हो । उनीहरूउपर बैंक तथा वित्तीय संस्थासम्बन्धी ऐन, २०७३ विरूद्धको कसुरमा अनुसन्धान अगाडि बढाइएको जिल्ला प्रहरी कार्यालय पर्साले जनाएको छ ।
क्याटेगोरी : समाचार
ताजा अपडेट
- युएई एसिसी प्रिमियर कपको फाइनलमा, नेपाल छ विकेटले पराजित
- प्रत्येक प्रदेशमा एउटा औद्योगिक क्षेत्र बिस्तारको कार्यक्रम ल्याइने : मन्त्री भण्डारी
- पूर्वमुख्यसचिव शाक्यको राजकीय सम्मानका साथ अन्त्येष्टि
- सांसद हसिना खानद्वारा सपथ ग्रहण
- कांग्रेस सबै जात, धर्म र वर्गको पार्टी हो : सहमहामन्त्री राठोर
- ग्रीन हाइड्रोजन उत्पादनका लागि बुद्धभूमि हाइड्रो र केयूबीच सम्झौता
- घाँस काट्ने क्रममा रुखबाट खसेर मृत्यु
- गत वर्ष सडकमार्गबाट चार लाख पर्यटक मुस्ताङ पुगे
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया