शरद ऋतुमा अनुमति लिएका पाँच सय ३५ जनाले मात्र हिमाल आरोहण गरे
महेन्द्र शाही
सोलुखुम्बु, माघ २
शरद ऋतुमा हिमाल आरोहण अनुमति लिएकामध्ये ५ सय ३५ जनाले मात्र हिमाल आरोहण गरेका छन । शरद ऋतुमा १ हजार २ सय १० जनाले हिमाल आरोहणका लागि अनुमति लिएकोमा ४४ दसमलव २१ प्रतिशत अर्थात ५ सय ३५ जनाले मात्र आरोहण गरेको पर्यटन बोर्डले जनाएको छ ।
विभिन्न ६४ देशका नागरिकले हिमाल आरोहणका लागि अनुमति लिएको भएपनि ५४ देशका नागरिकले मात्रै हिमाल आरोहण गरेको विभागका नायब सुब्बा रामेश्वर निरौलाले जानकारी दिए । उनका अनुसार १० देशका नागरिकले भने हिमाल आरोहण गर्न नसकेका हुन् । हिमाल आरोहणका लागि देशका ५३ वटा हिमाल आरोहणका लागी अनुमति लिएको भएपनि २५ वटा हिमालको मात्र यो वर्षको शरद ऋतुमा आरोहण भएको छ ।
यस वर्षको सरद ऋतुमा सबै भन्दा बढीले मनास्लु हिमालको चुचुरोमा टेकेका छन् । मनास्लु हिमालमा मात्र १ सय ८८ जनाले पाइला टेक्न सफल भएकाछन । मनास्लु हिमाल आरोहणका लागि २ सय ६४ जनाले अनुमति लिएका थिए । बाँकी ७६ जनाले हिमाल आरोहणगर्न असफल भएको विभागको तथ्याङकमा उल्लेख छ ।
सबै भन्दा बढि आरोहण अनुमति लिएको आमादब्लम हिमालमा १ सय ८१ जनाले पाईला टेकेका छन् । आमा दब्ल महिमाल आरोहणका लागि ३ सय ४७ जनाले अनुमति लिएका थिए जस मध्ये १ सय ६६ जनाले हिमाल आरोहण गर्न नसकेको जनाइएको छ । त्यस्तै हिमलगु हिमाल आरोहणका लागि अनुमति लिएका ९५ जनामध्ये ३५ जना सफलभएभने ६० जना असफल भए । धौलागिरि हिमाल आरोहणका लागि ३१ जनाले अनुमति लिएकोमा २३ जनाले आरोहण गरेको र ८ जना आरोहण गर्न सफल भएको जनाइएको छ ।
यो पटकको शरद ऋतुमा सगरमाथा आरोहणका लागि२ समूहका १० जनाले अनुमति लिएको भए पनि कुनै पनि आरोहिले आरोहण गर्न सकेनन् । यो वर्षको शरद ऋतुमा हिमाल आरोहणबाट ६ करोड ५१ लाख ७० हजार २ सय ६० रुपैयाँ रोयल्टी संकलन भएको छ । यसैबीच यो वर्षको हेमन्त ऋतुमा हिमाल आरोहणको अनुमति लिनेको संख्या २७ पुगेको छ । अहिलेसम्म ५ समूहका २७ जनाले अनुमति लिएको पर्यटन विभागका नायब सुब्बा रामेश्वर निरौलाले जानकारी दिए ।
उनका अनुसार अहिलेसम्म आमादब्लम हिमाल आरोहणका लागि १ समूहको १५ जनाले अनुम तिलिएका छन् । त्यस्तै सगरमाथा आरोहणका लागि २ समूहका ५ जना, नुप्से हिमाल आरोहणका लागि १ समूहका ५ जना र रोक्पाल हिमाल आरोहणका लागि १ समूहका २ जनाले अनुमति लिएका छन् । अनुमति लिनेमा सबै आरोही पुरुष रहेको विभागले जनाएको छ । जसमध्ये सबैभन्दा बढी २३ जना स्पेनका नागरिक रहेका छन् । त्यस्तै जर्मनीका २ तथा अमेरिका र चीनका १–१ जना रहेका छन् । दिएको छ ।
क्याटेगोरी : समाचार
ताजा अपडेट
- राहुघाटमा निर्माणाधीन पाँच जलविद्युत् आयोजना अन्तिम चरणमा
- नयाँ वित्तीय साधनका लागि विश्व बैंकलाई ११ अर्ब अमेरिकी डलर कोष प्राप्त
- टिपर दुर्घटनामा एक जनाको मृत्यु, तीन घाइते
- सुनकोसी मरिण डाइभर्सन : सुरुङ खन्न एक सय १० मिटर बाँकी
- सगरमाथा आरोहण उत्साहजनक : आरोहणबाट उठ्यो ५० करोडभन्दा बढी राजस्व
- नीति र नेतृत्वमा एमालेभित्र विवाद छैन : अध्यक्ष ओली
- वीरगञ्ज भन्सारद्वारा आठमहिनामा एक खर्ब १४ अर्ब राजस्व सङ्कलन
- तीन अन्तर्राष्ट्रिय विमानस्थल सञ्चालनको सुझाव दिन गठित समितिले किन दियो निजगढ विमानस्थल बनाउने सुझाव
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया