तामाकोशी आयोजनाको व्यावसायिक उत्पादन असारमा
दोलखा ।
माथिल्लो तामाकोशी जलविद्युत् आयोजनाको व्यवसायी विद्युत् उत्पादन असारमा मात्र हुनेभएको छ । आयोजनाका अनुसार जेठमा जलविद्युत्को सबै पार्टको काम सकिए असारमसान्तसम्म पहिलो युनिटको व्यवसायी उत्पादन सुरु हुनेछ ।
पछिल्लो समय भइरहेको मेकानिकल परीक्षण सफल भएकोले चालू वर्षको अन्तिम महिनाको मसान्तसम्म व्यावसायिक उत्पादन गर्नसकिने आयोजनाले जनाएको छ । गत सोमबार ७६ मेगावाट क्षमताको पहिलो युनिटको मेकानिकल परीक्षण गर्दा कुनै समस्या नदेखिएकाले व्यावसायिक उत्पादनको तयारी गरिएको आयोजनाका प्रवक्ता डाक्टर गणेश न्यौपानेले बताए । उनका अनुसार आयोजनाले ढिलोमा असार १५ सम्म सबै किसिमका परीक्षण पूरा गरेर विद्युत् उत्पादन सुरु गर्ने तयारी छ ।
केही समयअघि दोस्रो अडिट टनेलमा परीक्षण गर्दा केही समस्या देखिएको थियो । पानी चुहिएपछि परीक्षणको काम स्थगित गरिएको थियो । आयोजनाको जलाशय, बाँधलगायतका भौतिक तथा अन्य प्राविधिक संरचनाको परीक्षण यसअघि नै भइसकेको छ । उक्त परीक्षण पूरा भएपछि वैशाखभित्रै पहिलो युनिटबाट नियमित विद्युत् उत्पादन सुरु हुने अनुमान आयोजनाले गरे पनि महत्वपूर्ण संरचनामा प्राविधिक समस्या देखिएको थियो ।
स्वदेशी लगानीमा निर्माण भएको माथिल्लो तामाकोशी सबैभन्दा ठूलो आयोजना हो । दोलखास्थित यस आयोजनाबाट चार सय ५६ मेगावाट बिजुली उत्पादन हुनेछ । आयोजनामा विभिन्न युनिटमा ७६ मेगावाट क्षमताको छवटा टर्वाइन जडान गरिएको छ । आगामी असार मसान्तभित्रमा तीनवटा युनिटबाट ७६ मेगावाटका दरले दुई सय २८ मेगावाट विद्युत् उत्पादन सुरु गर्ने सरकारको लक्ष्य रहेको छ ।
क्याटेगोरी : समाचार
ताजा अपडेट
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया