काठमाडौं ।
सरकारले आन्तरिक उडान खुला गर्ने तयारी गरेको छ । निजी वायुसेवा कम्पनीहरुले अन्तर्राष्ट्रिय उडान (आंशिक) खुला भएसँगै आन्तरिक उडान खुला गर्न आग्रह गर्दै आएकोमा सरकार सकारात्मक देखिएको छ । उनीहरुले स्वास्थ्यका मापदण्ड कडाइका साथ लागू गर्दै आन्तरिक उडान खुला गर्न सरोकारावाला मन्त्रालयसमक्ष आग्रह गर्दै आएका थिए ।
स्वास्थ्य तथा जनसंख्या मन्त्रालयले निर्देशन पर्खन पुग्दा संस्कृति, पर्यटन तथा नागरिक उड्डयन मन्त्रालयले भने आन्तरिक उडान खुला गर्नसकेको थिएन । यद्यपि उसले उडान खुला गर्न विषयमा भने छलफललाई निरन्तरता दिँदै आएको थियो ।
स्वास्थ्य मापदण्ड अपनाई आन्तरिक उडान खुला गर्न विषयमा पहल भइरहेकोमा असार १५ देखि आन्तरिक उडान खुला गर्ने तयारी गरिएको नागरिक उड्डयन प्राधिकरणले जनाएको छ । प्राधिकरण प्रवक्ता राजकुमार क्षत्रीले निजी वायुसेवा कम्पनीहरुको मागअनुरुप आफूहरुले छलफल अघि बढाएका थियौँ तथा अन्तर्राष्ट्रिय नियमित उडान (आंशिक) खुला भएसँगै आन्तरिक उडान पनि खुला गर्नका लागि निरन्तर पहल गरेको बताए ।
स्वास्थ्य मन्त्रालय तथा कोभिड संकट व्यवस्थापन केन्द्रका निर्णयअनुरुप अघि बढ्नुपर्ने भएकोले मन्त्रालय उनीहरुको निर्देशनको प्रतीक्षामा बसेको थियो । वायुसेवा सञ्चालक संघले भने नागरिक उड्डयनमन्त्री उमाशंकर अरगरियासमक्ष असार १ गतेदेखि आन्तरिक उडान खुला गर्न आग्रह गर्दैै आएका थिए । निषेधाज्ञा थप सहज भएसँगै आन्तरिक उडानका लागि यात्रुहरुलाई सहज हुने हुँदा यसतर्फ मन्त्रालयले ध्यान दिनु समेत आवश्यक छ ।
उपत्यकामा मंगलबारदेखि निषेधाज्ञा सहज बनाइएको छ । यसले यात्रुहरु विमानस्थलसम्म पुग्नसक्ने अवस्था सिर्जना भएको छ । संघले भने उडान खुला नहुदाँ यस क्षेत्रमा संलग्न लाखौँ जनशक्ति बेरोजगार बन्नपुगेको बताउँदै आएको छ । त्यस्तै संघले उडान खुला गर्नेबित्तिकै भीड नगर्ने तथा सुरक्षित तरिकाले उडान गर्ने समेत बताउँदै आएको छ ।
क्याटेगोरी : समाचार
ताजा अपडेट
- शिक्षाका लागि विद्यालयको पूर्वाधार निर्माण आवश्यक छ : मन्त्री राई
- स्वास्थ्यमन्त्री यादवलाई रास्वपाको २६ बुँदे सुझाव
- हिमालमा हेलिकोप्टरको सहारा
- चार दशमलव ७८ अंकले उक्लियो सेयर बजार
- राष्ट्रियसभाका उपाध्यक्षद्वारा राजीनामा
- पुँजीगत बजेट खर्च नहुने अवस्थाको अन्त्य हुनुपर्छ : प्रधानमन्त्री
- मन्त्री चौधरी र राजदूत हेक्काबीच भेटवार्ता
- चीनको औद्योगिक मुनाफामा उच्च वृद्धि
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया