सूचनामा आम नागरिकको सहज पहुँच हुनुपर्छ : अध्यक्ष तिमिल्सिना
काठमाडौं । राष्ट्रियसभा अध्यक्ष गणेशप्रसाद तिमिल्सिनाले राज्यका काम र सूचनामा आम नागरिकको सहज पहुँच हुनुपर्ने बताएका छन् । सूचनामा सर्वव्यापी पहुँचसम्बन्धी अन्तर्राष्ट्रिय दिवसका अवसरमा राष्ट्रिय सूचना आयोगद्वारा मंगलबार काठमाडौंमा आयोजित ‘दिगो विकास लक्ष्यः सूचनामा पहुँचको अवस्था र कार्यदिशा विषयक राष्ट्रिय विचार गोष्ठी बोल्दै अध्यक्ष तिमिल्सिनाले यस्तो बताएका हुन् ।
केन्द्रदेखि तल्लो तहसम्मका सूचना प्राप्त गर्नु संविधानमा व्यवस्था गरिएको नागरिकको मौलिक हक हो भन्ने विषय सबै सर्वसाधारण जनता, श्रमिक तथा किसानहरूलाई जानकारी हुनुपर्ने उनले बताए । ‘जनताले सूचनाको हक र पहुँचका बारेमा बुझ्न सक्ने र प्रश्न सोध्न सक्ने बनाउनुपर्दछ’, उनले भने, ‘यसका लागि सबै राजनीतिक दल, तीन तहका सरकार, नागरिक समाज, बुद्धिजीवीलगायतले सचेत रूपमा भूमिका खेल्नुपर्दछ ।‘
अध्यक्ष तिमिल्सिनाले सूचनाको हकको प्रयोग सबैभन्दा बढी वडा तहमा कार्यान्वयन भए सर्वसाधारणले सरकारका सेवा सुविधा लिन सक्ने र सरकारहरू पारदर्शी हुने धारणा राखे । ‘नागरिकले पाउने सेवा सुविधा उपलब्ध गराउन, जननिर्वाचित प्रतिनिधिलाई सचेत र जिम्मेवार बनाउन, भ्रष्टचार न्यूनीकरण र अन्त्य गर्न सबै सूचना सार्वजनिक हुन जरुरी छ’, सो अवसरमा तिमिल्सिनाले भने । अध्यक्ष तिमिल्सिनाले विकास निर्माणका कामहरूको बारेका सम्पूर्ण सूचनामा सर्वसाधरणको पहुँच हुनुपर्ने बताए ।
‘अहिले आयोजनाको सामान्य जानकारी दिने बोर्ड राख्ने चलन छ । तर, आयोजनाको सम्झौताको दस्ताबेज सार्वजनिक गर्न आनकानी गरिन्छ’, उनले भने, ‘आयोजना कार्यान्वयनको गुणस्तरमा प्रभाव पार्ने सामग्रीहरू, मात्रा, प्रभाव पार्ने क्षेत्रका बारेमा जानकारी नहुँदा आयोजना पारदर्शी हुँदैनन्, कमसल हुन्छन्, समयमा सम्पन्न हुँदैनन्, उपभोक्ताले प्रभावकारी उपभोग गर्न पाउँदैनन् र राज्यको सम्पत्तिको क्षति हुन्छ । त्यसैले सबै काम सूचना पारदर्शी हुन जरुरी छ ।
क्याटेगोरी : समाचार
ताजा अपडेट
- निर्वाचन आयोगको नेतृत्वमा इलाम क्षेत्र नम्बर २ मा उच्चपदस्थ अधिकारीको अनुगमन
- ताक्लाकोट जान सीमा पास लिने बढ्दै
- अष्ट्रेलियाको बेरोजगारी दर बढ्यो
- प्यालेस्टाइनी क्षेत्रमा सहयोगका लागि राष्ट्र संघको अपिल
- ६२० किमी रेन्ज दिने प्रिमियम ईभी यसयुभी सार्वजनिक
- १० करोड लगानीमा ‘त्रिशुली भिल्ला’ सञ्चालनमा
- सामसङको ग्यालेक्सी एम१४ एलटीई सार्वजनिक
- ग्लोबल आइएमई बैंक र हब इन्टरनेसनल एजुकेसनबीच समझदारी
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया