‘सैनिक सकलदर्जा सहुलियतपूर्ण आवास कर्जा–२०७८’ को सहमतिपत्रमा हस्ताक्षर
काठमाडौं। ‘सैनिक सकलदर्जा सहुलियतपूर्ण आवास कर्जा–२०७८’ को सहमतिपत्रमा हस्ताक्षर भएको छ । प्रधान सेनापति प्रभुराम शर्माको उपस्थितिमा सोमबार राष्ट्रिय वाणिज्य बैंकका प्रमुख कार्यकारिणी अधिकृत, राष्ट्रिय बीमा संस्थानका प्रशासक र नेपाली सेनाको तर्फबाट सैनिक कल्याणकारी महानिर्देशनालयका महानिर्देशकबीच उक्त सहमतिपत्रमा हस्ताक्षर भएको हो । हस्ताक्षरपश्चात् सहमतिपत्र एक–आपसमा आदानप्रदान भएको थियो ।
‘सैनिक सकलदर्जा सहुलियतपूर्ण आवास कर्जा–२०७८’ अनुरुप सैनिक सेवामा १० वर्ष पूरा गरेका र श्रीमान् वा श्रीमती कसैको पनि नाममा घर नरहेका बहालवाला सकलदर्जाहरुलाई अत्यधिक सहुलियतपूर्ण ब्याजदर जम्मा ३ दशमलव ३२ प्रतिशतमा मुलुकभर निजी आवास निर्माण गर्न २५ लाख रुपैयाँसम्मको आवास कर्जा उपलब्ध गराइनेछ । सकलदर्जाहरुले लामो समयदेखि प्रतीक्षा गरेको सहुलियतपूर्ण आवास कर्जा कार्यान्वयनमा आएपश्चात् कल्याणकारी सेवा सुविधामा समेत वृद्धि हुनुका अतिरिक्त सैनिक सेवाप्रति आकर्षण समेत बढ्ने अपेक्षा गरिएको छ । साथै, नेपाली सेनाले आफ्ना सकलदर्जा तथा हिताधिकारीहरुको सेवासुविधाको दायरालाई फराकिलो बनाउँदै विगतमा कक्षा ६ देखि वितरण गर्दै आइरहेको कल्याणकारी छात्रवृत्तिलाई कक्षा ४ देखि नै वितरण गर्ने व्यवस्था समेत मिलाएको छ ।
यस्तै अवकाश प्राप्त सकलदर्जाको लामो समयदेखि भइरहेको मागबमोजिम ६० वर्षमाथिकालाई निवृत्तिभरण रकममा उल्लेख्य वृद्धि गरी मासिक एक हजार रुपैयाँ पु-याएको छ । यसका अलावा सबै प्रदेशहरुमा सैनिक अस्पताल र सैनिक महाविद्यालयको सुविधा प्रदान गर्ने हेतुले लुम्बिनी प्रदेशमा समेत सैनिक फिल्ड अस्पताल र सैनिक आवासीय महाविद्यालय स्थापना गर्ने योजना कार्यान्वयनको क्रममा रहेको सेनाले जनाएको छ ।
क्याटेगोरी : समाचार
ताजा अपडेट
- युएई एसिसी प्रिमियर कपको फाइनलमा, नेपाल छ विकेटले पराजित
- प्रत्येक प्रदेशमा एउटा औद्योगिक क्षेत्र बिस्तारको कार्यक्रम ल्याइने : मन्त्री भण्डारी
- पूर्वमुख्यसचिव शाक्यको राजकीय सम्मानका साथ अन्त्येष्टि
- सांसद हसिना खानद्वारा सपथ ग्रहण
- कांग्रेस सबै जात, धर्म र वर्गको पार्टी हो : सहमहामन्त्री राठोर
- ग्रीन हाइड्रोजन उत्पादनका लागि बुद्धभूमि हाइड्रो र केयूबीच सम्झौता
- घाँस काट्ने क्रममा रुखबाट खसेर मृत्यु
- गत वर्ष सडकमार्गबाट चार लाख पर्यटक मुस्ताङ पुगे
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया