आर्थिक पुनरुत्थानका लागि निजी क्षेत्रसँग हातेमालो गर्न सरकार तयार
काठमाडौं । अर्थमन्त्री जनार्दन शर्माले आर्थिक पुनरुत्थानका लागि निजी क्षेत्रसँग हातेमालो गर्न सरकार तयार रहेको बताएका छन् । मन्त्री शर्माले कोभिड १९ पछि खस्किएको अर्थतन्त्रलाई पुनः लयमा फर्काउन तथा विकास निर्माण तथा आर्थिक समृद्धिलाई गति दिन सरकार निजी क्षेत्रसँग सँगसँगै हिँड्न तयार रहेको उनको भनाइ छ ।
मुलुकको अर्थतन्त्र मजबुद बनाउनकै लागि पनि सरकारले निजी क्षेत्रको साथ चाहेको उनले उल्लेख गरे । बुधबार नेपाल आर्थिक पत्रकार संघ (नाफिज)ले राजधानीमा आयोजना गरेको कार्यक्रममा मन्त्री शर्माले सार्वजनिक नीजी साझेदारीमा निजी क्षेत्रले पूर्वाधार निर्माणमा समेत हात हाल्नुपर्ने र यसमा सरकारले सघाउने बताए । साथै उनले मुलुकको अर्थतन्त्रको आकार निकै सानो भएकाले सबै क्षेत्रलाई एकै पटक उठाउन नसकिने र त्यो सम्भव पनि नभएकाले क्रमशः विकास गर्दै जानुपर्ने बताए । ‘हाम्रो पुँजी निकै सानो आकारको छ । यसले सामाजिक आर्थिक, पूर्वाधारका क्षेत्र, स्वास्थ्य शिक्षाको क्षेत्रको विकासका लागि अर्थतन्त्र विकासमा जोड दिनुपर्नेछ’, शर्माले थपे, ‘यसका लागि सरकारी–निजी साझेदारीको अहम भूमिका रहन्छ ।’ विकासका लागि साधन स्रोतको कुनै कमी नभएको मन्त्री तर व्यवस्थापकीय कलाको मात्र कमी भएको शर्माले बताए । मन्त्री शर्माले विकास निर्माणमा निजी क्षेत्रलाई पनि सहभागी गराउने उद्देश्यले सरकारले तयारी गरिरहेको बताए ।
कार्यक्रममा नेपाल राष्ट्र बैंकका गभर्नर महाप्रसाद अधिकारीले मौद्रिक नीतिको व्यवस्था सीडी रेसियोकै कारण मुलुकको वित्तीय क्षेत्र गलत दिशातर्फ जानबाट बचेको दाबी गरे । ‘सीडी रेसियो (कर्जा निक्षेप अनुपात) कार्यान्वयन गरेर वित्तीय संस्थाहरू बचाएका छौँ । मुलुकको वित्तीय सही दिशामा रहन मदत पुगेको छ’, अधिकारीले भने, ‘यसले केही सीमित समूहलाई नकारात्मक प्रभाव परेको हुनसक्छ तर त्यसलाई हेरेर हुन्न, हामीले समग्र अर्थतन्त्रलाई हेर्नुपर्छ ।’ साथै उनले आर्थिक पुनरुत्थानमा सार्वजनिक निजी साझेदारी अपरिहार्य रहेको बताए ।
कार्यक्रममा नेपाल उद्योग वाणिज्य महासंघका अध्यक्ष शेखर गोल्छाले जब ब्याजदर ४–५ प्रतिशतमाथि पुग्छ तब बैंकहरूमा पैसा सुक्ने समस्या रहेको बताए । विदेशी लगानीलाई ल्याउन नसकिएको कारण पनि बजारमा तरलता (लगानीयोग्य रकम)को समस्या देखिएको उनको भनाइ छ । साथै उनले एमसीसी देशका लागि आवश्यक रहेकोले तत्काल पास गर्न अर्थमन्त्रीलाई सुझाव दिए । यसले विकासमा भाइटल रोल खेल्न सक्ने उनको भनाइ छ ।
यस्तै नेपाल चेम्बर अफ कमर्सका अध्यक्ष राजेन्द्र मल्लले अहिले बजारमा तरलता अभावको समस्या देखिएको बताए । सीडी रेसियोलाई छिटोभन्दा छिटो सम्बोधन गर्नुपर्ने भन्दै उनले अधिकांश बैंकहरूको सीडी रेसियो ९० प्रतिशतभन्दा माथि गरिसकेकाले थप लगानी गर्न नसक्ने अवस्थामा पुगिसकेको उल्लेख गरे । यस्तै नेपाल उद्योग परिसंघका कार्यबाहक अध्यक्ष कृष्णप्रसाद अधिकारीले पछिल्लो समय सरकार समेत आर्थिक पुनरुत्थानमा सक्रिय हुन नसकेको बताए । मुलुकको आर्थिक पुनरुत्थानका लागि सार्वजनिक निजी साझेदारी अपरिहार्य रहेको उनको भनाइ थियो । सरकारले निजी क्षेत्रलाई सहजीकरण गरी नीतिगत व्यवस्था गरिदियो भने, लगानीको वातावरण बन्ने र अर्थतन्त्र उत्थानमा समस्या नहुने हुँदा छिटै आर्थिक पुनरुत्थानमा जान सकिने उनले बताए ।
क्याटेगोरी : समाचार
ताजा अपडेट
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया