Techie IT
×
गृहपृष्ठसमाचारभाग्न लागेका क्यासिनो व्यवसायी पक्राउ

भाग्न लागेका क्यासिनो व्यवसायी पक्राउ


काठमाडौं । नेपाल सरकारलाई क्यासिनो सञ्चालनबापत तिर्नुपर्ने रोयल्टी नतिरी अमेरिका भाग्न लागेका एसएचएल म्यानेजमेन्ट सर्भिसेज प्रालिका सञ्चालक अमेरिकी नागरिक माइक बोलसोवरलाई अमेरिका उड्नै लाग्दा एयरपोर्टबाटै पक्राउ गरिएको छ ।

अमेरिकी नागरिक बोलसोवरले सो कम्पनीमार्फत लाजिम्पाटमा रहेको होटल सांग्रिला र भैरहवामा रहेको होटल टाइगर परिसरभित्र क्यासिनो सञ्चालन गर्दै आएका थिए । रोयल्टी तिर्न सरकारले लगातार दबाब दिनथालेपछि अमेरिकी नागरिक बोलसोवर सरकारलाई तिर्नुपर्ने करिब १३ करोड रोयल्टी र क्यासिनो नवीकरण दस्तुर नतिरी भाग्न लागेका थिए ।

उनै अमेरिकी नागरिक बोलसोवरले रुपन्देहीको तिलोत्तमा नगरपालिकाको वडा नं. ६ मा २३ कठ्ठा सरकारी जग्गा लिजमा लिएर टाइगर प्यालेस होटल समेत सञ्चालन गरेका छन् । बोलसोव भाग्न लागेको जानकारी पाएलगत्तै संस्कृति तथा नागरिक उड्डयनमन्त्री प्रेम आलेले सचिव महेश्वर न्यौपानेलाई उनलाई रोक्न निर्देशन दिएका थिए । लगत्तै सचिव न्यौपानेले अध्यागमन विभागलाई बोलसोवरलाई रोक्न अनुरोध गरेपछि उनी अमेरिका भाग्नबाट असफल भएका थिए ।


क्याटेगोरी : समाचार

तपाईको प्रतिक्रिया