नापी कार्यालय बाँकेमा अख्तियारको छापा, ३५ हजार घुससहित दुई जना पक्राउ

बाँके, माघ २३
अख्तियार दुरूपयोग अनुसन्धान आयोगले नापी कार्यालय बाँकेका दुई जना कर्मचारीलाई घुस लिँदालिदै रङ्हात पक्राउ गरेको छ । नापी कार्यालय बाँकेका सर्भेक्षक यमबहादुर खत्री र अर्का लेखापढी व्यवसायी प्रताप केसीलाई ३५ हजार घुससहित पक्राउ गरेको अख्तियार दुरूपयोग अनुसन्धान आयोग प्रदेश ५ सम्पर्क कार्यालय नेपालगञ्जका प्रमुख गणेश गैरेले जानकारी दिए । उनीहरूलाई अख्तियार दुरूपयोग अनुसन्धान आयोग प्रदेश ५ सम्पर्क कार्यालय नेपालगञ्जले पक्राउ गरेको हो । सेवाग्राहीसँग हाल साबिक गरिदिने भन्दै बिचौलियामार्फत ३५ हजार रूपैयाँ घुस लिँदै गर्दा उनीहरूलाई पक्राउ गरिएको प्रमुख गैरेले जानकारी दिए ।