Techie IT
×
गृहपृष्ठbreakingराष्ट्रियसभा सदस्य निर्वाचनमा १९ जना निर्वाचित

राष्ट्रियसभा सदस्य निर्वाचनमा १९ जना निर्वाचित


काठमाडौं । राष्ट्रियसभा सदस्यको १९ रिक्त पदका लागि भएको निर्वाचनको सबै परिणाम आएको छ । १९ मध्ये १८ पदमा सत्ता गठबन्धन र एक पदमा नेकपा एमालेका उम्मेदवार विजयी भएका छन् । एमालेका एक जना उम्मेदवार भने गोलाप्रथाबाट पराजित भएका हुन् । प्रदेश नम्बर १ मा एमालेले एक सिट जित्न सफल भएको थियो भने सोही प्रदेशमा एक सिटमा नेपाली कांग्रेसका उम्मेदवार गोपाल बहादुर बस्नेत गोला तान्दा विजयी भए । अन्य सबै स्थानमा गठबन्धनका उम्मेदवार विजयी भएका हुन् ।

आगामी फागुन २० गते नेकपा (एमाले)का आठ, नेकपा (एकीकृत समाजवादी) का चार, नेकपा (माओवादी केन्द्र) का चार र नेपाली कांग्रेसका तीन राष्ट्रियसभा सदस्यको पदावधि सकिने भएकाले ती रिक्त स्थानका लागि निर्वाचन भएको हो । सदस्यको पदावधि समाप्त हुन ३५ दिनअघि नै निर्वाचन गर्नुपर्ने प्रावधान छ । नेपाली कांग्रेस, नेकपा (एमाले), नेकपा (माओवादी केन्द्र), नेकपा (एकीकृत समाजवादी), राष्ट्रिय जनमोर्चा, लोकतान्त्रिक समाजवादी पार्टी नेपाल, नेपाल मजदुर किसान पार्टी, जनता समाजवादी पार्टी नेपाल र राष्ट्रिय प्रजातन्त्र पार्टीका उम्मेदवार निर्वाचनमा भाग लिएका थिए ।


क्याटेगोरी : breaking, समाचार

तपाईको प्रतिक्रिया