उत्पत्तिको प्रमाणपत्रसम्बन्धी तालिम आयोजना
काठमाडौं । भक्तपुर उद्योग वाणिज्य संघले भन्सार विभाग तथा नेपाल उद्योग वाणिज्य महासंघको सहयोगमा नेपाल राष्ट्रिय एकद्वार प्रणालीअन्तर्गत उत्पत्तिको प्रमाण पत्र जारी गर्ने अनलाइन प्रणाली सम्बन्धी एक दिने तालिमको आयोजना गरेको छ । नेपालमा उत्पादित वस्तुहरु तेस्रो मुलुक, साफ्टा एवं साप्टाअन्तर्गतका मुलुकलगायत भारत निकासी गर्दा उत्पत्तिको प्रमाणपत्र जारी गर्नुपर्दछ ।
कार्यक्रममा नेपाल उद्योग वाणिज्य महासंघका उप निर्देशक विष्णु अधिकारीले विद्युतीय प्रणालीबाट उत्पत्तिको प्रमाणपत्र जारी हुँदा व्यवसायीहरुलाई तुलनात्मक रुपमा सहज हुने र नेपाल सरकारले यो प्रणाली व्यवहारमा लागू गरिसकेको हुँदा सबैले यसलाई प्रयोग गर्नु पर्नेमा जोड दिए । यस्तै तालिममा संघकी वरिष्ठ उपाध्यक्ष रोशनी मैयाँ धौबन्जाले दिगो पर्यटन, निर्यातमुखी हस्तकला र व्यवसायिक कृषिको प्रवद्र्धनमा संघले विशेष ध्यान दिँदै आएको बताइन् । भक्तपुर जिल्लाका उत्पादनहरुलाई विश्व बजारसम्म पु-याउन सघाउनु सबैको दायित्व रहेको उनको भनाई थियो ।
साथै विद्युतीय माध्यमबाट उत्पत्तिको प्रमाण पत्र जारी गर्दा समयको बचत हुनुको साथै प्रभावकारी समेत हुने भएकोले यो प्रणाली एकदम उपयोगी हुने उनले बताइन् । कार्यक्रममा संघका महासचिव दिनेश गोसाइ, संघका कार्य समिति सदस्य एवं हस्तकला विकास तथा निर्यात प्रवद्र्धन उपसमितिका संयोजक लब्साङ्ग लामालगायतले आगामी दिनमा पनि अरु व्यवसायीहरुलाई यस किसिमको तालिमको आवश्यकता परेको खण्डमा पुनः आयोजना गर्दै जाने बताए । कार्यक्रममा भन्सार विभागका अधिकृत ईश्वर सिंह र नेपाल उद्योग वाणिज्य महासंघका वरिष्ठ अधिकृत मिलव श्रेष्ठले प्रशिक्षण दिएका थिए ।
क्याटेगोरी : समाचार
ताजा अपडेट
- लुम्बिनी प्रदेशमा सरकार विस्तार
- तातोपानी भन्सारमा नौ महिनामा लक्ष्यभन्दा बढी राजस्व सङ्कलन
- मधेश सरकारद्वारा मन्त्रिपरिषद् विस्तार
- राष्ट्रपतिद्वारा अन्जान शाक्य राष्ट्रिय सभा सदस्यमा मनोनीत
- पर्यटकको बसाइ लम्ब्याउन नयाँ गन्तव्यको खोजी
- अर्थतन्त्रमा देखिएको शिथिलतामा सुधार आउन थालेको छ: मन्त्री भण्डारी
- पाठ्यक्रम विकास केन्द्रले स्वीकृत नगरेका पाठ्यपुस्तक प्रयोग भए कारबाही गरिने
- कपिलेश्वरमा जलिरहेको अवस्थामा युवतीको शव फेला
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया