Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठसमाचारनेपाली सेना, प्रहरी र गुण्डा नाईकेको मिलेमतोमा बुथ कब्जा

नेपाली सेना, प्रहरी र गुण्डा नाईकेको मिलेमतोमा बुथ कब्जा


दोलखा ।  जिल्लाको तामाकोसी गाउँपालिका वडा नम्बर १ मा नेपाली सेना, नेपाल प्रहरी र गुण्डानाईके रमेश सुनुवारको मिलेमतोमा बुथ कब्जा गरि मतपेटिका लुटिएको छ ।

नेपाली सेनाका मेजर अभय खड्काको निर्देशनमा दिउँसो मतदान केन्द्र भित्र नेपाली सेना परिचालन गरि मतदातालाई धम्काई बुथ कब्जा गरिएको र बेलुका मुचुल्का समेत नउठाइ मतपेटिका कब्जा गरिएको हो ।

नेकपा एमालेका तर्फबाट वडा अध्यक्षका उम्मेदवार रहेका बसन्त थापाका ज्वाइँ समेत रहेका मेजर खड्काले सेना परिचालन गरि मतपेटिका समेत लुटेर हिडेका हुन् ।

खड्काले मतदान सम्पन्न भएको मुचुल्का समेत नउठाई मतपेटिका लिएर हिडेका हुन् । मतदान केन्द्रमा खटिएका मतदान अधिकृत समेत छाडेर उनीहरु मतपेटिका लिएर हिडेपछि स्थानीयले अवरोध गरेका थिए ।

हाल मतदान अधिकृत तथा कर्मचारीहरु वडा कार्यलय भवनमा रहेका छन् भने मतपेटिका बीच बाटोमा रोकिएर राखिएको छ । प्रहरी, सेना, सशस्त्र प्रहरी र गुन्डा नाइकेको मिलेमतोमा मतदातालाई समेत धम्क्याईएको मतादाताले बताएका छन् । स्थानीय मतदाताले पुन मतदान हुनुपर्ने र मेजर खड्कालाई बर्खास्त गर्नुपर्ने माग राखेका छन् ।


क्याटेगोरी : समाचार

तपाईको प्रतिक्रिया