एफवान सफ्टका अध्यक्ष ढकाल विश्व प्रविधिजगत्का सय चेन्जमेकरको सूचीमा

काठमाडौं । एफवान सफ्ट ग्रुपका अध्यक्ष विश्वास ढकाल विश्व प्रविधिजगत्का सय चेन्जमेकरको सूचीमा परेका छन् । ढकाल ग्लोबल टेक चेन्जरहरूको ‘रेष्ट अर्फ वर्ल्ड’को सय जनाको सूचीमा पर्न सफल भएका हुन् । विश्वमा प्रविधिको क्षेत्रमा काम गर्ने नवीन खोजकर्ता, नेतृत्वकर्ता, संस्थापक, लगानीकर्ता र नवप्रवर्तन गतिविधि गर्ने पश्चिमा देशबाहेकका सय जनालाई यो सूचीमा समावेश गरिन्छ ।

ढकालले सामूहिक रूपमा कसरी उत्पादन बनाइन्छ र वितरण गरिन्छ ? कसरी उद्यमीहरूलाई लगानी गरिन्छ र कसरी प्राविधिक प्रयोगकर्तालाई उनीहरूको स्थानीय बजारभन्दा टाढा सुरक्षित गरिन्छ भन्ने कुरामा ठूलो प्रभाव पारेको रेष्ट अफ वर्ल्डको सम्पादकीय टिमले जनाएको छ । ‘रेष्ट अफ वर्ल्ड’को सूचीमा विश्वव्यापी रूपमा आधारित रिपोर्टहरू र सम्पादकहरूको नेटवर्कद्वारा छनोट गरी समावेश गराइन्छ । टेक्नोलोजी इकोसिस्टमबाट आफ्नो क्षेत्र तथा समुदायमा पारेको प्रभावका आधारमा यस सूचीमा समावेश गरिन्छ । ‘रेष्ट अफ वर्ल्ड’ सूचीमा विश्वव्यापी पहुँच भएका कार्यकारीहरू, नवप्रवर्तन सक्षम गर्ने लगानीकर्ताहरू, उदीयमान उद्यमीहरू र खुला एवं समतामूलक भविष्यका लागि काम गर्ने व्यक्तिहरूलाई समावेश गरिन्छ ।

सूचीमा समावेश भएपछि एफ वान सफ्ट ग्रुपका अध्यक्ष ढकालले भने, ‘मैले सधैँ मेरो देशमा आमूल परिवर्तनको परिकल्पना गरेको छु, जहाँ सबैलाई डिजिटल फाइनान्समार्फत सशक्त बनाइन्छ ।’ ‘रेष्ट अफ वर्ल्ड’ले आफ्नो परिकल्पनालाई पहिचान गरेर सूचीमा समावेश गरेकोमा आभार व्यक्त गर्दै उनले भने, ‘म विश्वस्त छु कि यसले सार्थक परिवर्तन ल्याउन सहयोग गर्नेछ ।’

यसअघि ढकाल २०१७ मा ‘म्यानेजर अफ द इयर’बाट सम्मानित भइसकेका छन् भने अमेरिकी राज्य विभागले इन्टरनेशनल भिजिटर लिडरसिप प्रोग्राम र ग्लोबल उद्यमी समिट २०१६ मा नेपालबाट चयन पनि भइसकेका छन् । ‘रेष्ट अफ वर्ल्ड’ सूचीले स्थानीय नवप्रवर्तन र विश्वव्यापी प्रचलनहरू, तिनीहरूका प्रभावहरूबीचको विन्दुहरू जोड्ने विश्वको बाँकी लक्ष्यलाई प्रतिविम्बित गर्दछ । विश्वका विभिन्न क्षेत्रमा बस्ने र काम गर्ने पत्रकारहरूसँग साझेदारी गर्दै रेष्ट अफ वर्ल्डले विगत दुई वर्षमा ९० भन्दा धेरै देशबाट सात सय ५० भन्दा धेरै प्रकाशनहरु प्रकाशित गरिसकेको छ ।

रेष्ट अफ वर्ल्डका कार्यकारी सम्पादक अनुप काफ्लेले भने, ‘अहिले सबैभन्दा रोमाञ्चक र नविन आविष्कार पश्चिमा देशबाहिर भइरहेको छ ।’ ‘जुनसुकै क्षेत्रमा पनि उद्यमी बन्न गाह्रो छ । तर उदीयमान अर्थतन्त्रहरुमा केही कुरा निर्माण गर्दा वित्तीय एवं राजनीतिक चुनौती भए पनि ती शक्तिहरुले हिरा बनाउँछन्’, उनले भने, ‘हामी विश्वास गर्छौँ कि हाम्रो टोलीले रेष्ट अफ वल्र्डको सूचीका लागि चयन गरेका नेतृत्वहरु छिटो, थप नविन, अधिक विचारशील र नयाँ विचारहरु निर्माण गर्न अग्रसर छन् ।’

रेष्ट अफ वर्ल्डले यही मे १२ मा विश्वब्यापी भर्चुअल प्यानल शृंखला घोषणा गर्दै छ । २४ घण्टाभित्र विश्वभर फैलिएका तीनवटा छुट्टाछुट्टै प्यानलका सदस्यहरुले प्रभावशाली रोस्टर प्रस्तुत गर्नेछन् र एउटै विषयवस्तुमा छलफल गर्नेछन्, ‘के कतै अब स्थानीय छ ?’ यो कार्यक्रमको प्रत्यक्ष प्रसारण गरिनेछ र रेकर्डिङहरू यसको वेबसाइटमा उपलब्ध हुनेछ ।

विश्वास ढकाल एक टेक उद्यमी, आविष्कारक र गतिशील लगानीकर्ता हुन् । एफवान सफ्ट गु्रपको अध्यक्ष उनी एक उद्यमी बन्ने चाहनाले उत्प्रेरित भएर टेक्नोलोजीप्रति लगाव राख्नकै कारण एक उल्लेखनीय यात्रामा छन्, जुन नेपालका युवाहरुको लागि प्रेरणा हो । विश्वास ढकाल र उनका साथीहरुले एफवान सफ्टमा विकास गरेका फिनटेक समाधानहरु देशका हरेक कुनामा पुगेका छन् र आज डेढ करोडभन्दा धेरै मानिसलाई सेवा प्रदान भइरहेको छ । एफवान सफ्ट गु्रपमा एफप्रहरी प्रधान कार्यालय केन्द्रीय अनुसन्धान ब्युरो महाराजगञ्जवान सफ्ट इन्टरनेशनल, इसेवा, फोनपे, इसेवा मनी ट्रान्स्फर, एक्सटेन्सो डाटाजस्ता धेरै नविन कम्पनीहरु समावेश छन् । उनले आफ्नो व्यवसायलाई विश्वभर विस्तार गर्ने योजना पनि बनाएका छन् ।

रेष्ट अफ वर्ल्ड एक अन्तर्राष्ट्रिय पत्रकारिता गर्ने संस्था हो, जुन पश्चिमी क्षेत्रभन्दा बाहिर अर्थात् अमेरिका र पश्चिमी युरोपबाहिर प्रविधि क्षेत्रमा भएका नवीन समाचार तथा समाचारमुलक कथाहरू समेटेर प्रकाशन गर्न समर्पित छ । यसमा कम्पनी, संस्थापकहरु, राजनीतिज्ञलगायतका स्टोरी, प्रोफाइल तथा समाचारमूलक लेखहरू प्रकाशित हुन्छन् । (आर्थिक दैनिकबाट)