मोरङ प्रहरीद्वारा ४० लाखको सामानसहितको ट्र्याक्टर राजस्वमा बुझाउँदा भन्सार एजेन्ट विवादित
काठमाडौं । राजस्व छलीमा पटक–पटक तानिँदै आएका भन्सार एजेन्ट चेतनाथ पौडेल फेरि एक पटक राजस्व छलीको विवादमा तानिएका छन् । विराटनगर भन्सारमा भन्सार क्लियरिङको काम गर्दै आएको विद्या क्लियरिङ सर्भिसका सञ्चालक तथा भन्सार एजेन्ट पौडेलले कौडीको मूल्य कायम गरी ४० लाखभन्दा बढीको हार्डवेयर र मेसिनरीका सामान मुख्य भन्सार नाकाबाट नै जाँचपास गराएपछि उनी विवादमा आएका हुन् ।
विराटनगर भन्सारबाट भन्सार पासका नाममा पटक–पटक राजस्व छली प्रकरणमा उनी तानिँदै आएका छन् । बुधबार विराटनगर भन्सारबाट भन्सार जाँचपास भएको वीआर ३३जीवी २६२७ नम्बरको ट्र्याक्टरमा मोटरपार्टस, छाला, नटबल्टु, मेसिन, पार्टस र कपडा गरी ४० लाख रुपैयाँभन्दा बढीको सामानसहितको ट्र्याक्टर मोरङ प्रहरीले नियन्त्रणमा राजस्व अनुसन्धान कार्यालय इटहरी सुनसरीमा बुझाएको छ । प्रहरीले उक्त ट्र्याक्टर चेकजाँच गर्दा ट्र्याक्टरमा चार लाख मूल्यबराबरको मात्रै भन्सार प्रज्ञापनपत्र भेटिएपछि राजस्व अनुसन्धान कार्यालयमा बुझाएको थियो । प्रहरीले ट्र्याक्टर सहित ट्र्याक्टरका चालक भारतको अररिया जिल्ला जोगवनी १० टिकुलीया बस्ने ३४ वर्षीय श्याम चौधरीलाई पनि राजस्व अनुसन्धानको जिम्मा लगाएको छ ।
विराटनगर भन्सारमा भन्सार एजेन्टको काम गर्दै आएका पौडेल धेरै वर्ष पहिले वीरगञ्जमा रहेको बाबुलाल चाचान ग्रुपका भन्सार एजेन्ट भएका बेलामा पनि नक्कली भ्याटबिल प्रयोग गरी तोरी पास गरेको प्रकरणमा मुछिएका थिए । यस्तै करिब एक वर्षअगाडि पनि पूजाको सामग्री भन्दै विराटनगर भन्सारबाट हार्डवेयर र मेसिनरी सामान जाँचपास गरेपछि उनलाई प्रहरीले पक्राउ समेत गरेको थियो । स्रोतका अनुसार राजस्व अनुसन्धानले पनि पौडेललाई कारबाही गरेको थियो । सम्पत्ति शुद्धीकरणले समेत पौडेललाई छानबिनको दायरामा ल्याएको थियो ।
क्याटेगोरी : समाचार
ताजा अपडेट
- बागमती प्रदेशसभाको बैठक आज राति १२ बजेदेखि अन्त्य
- उपनिर्वाचनको मौन अवधि आज रातिदेखि
- त्रिविका कानुनी सल्लाहकार खनाललाई कारबाही नगर्न आदेश
- अन्तर्राष्ट्रिय वित्तीय संस्थाका प्रतिनिधिद्वारा अर्थमन्त्रीसँग भेट
- १७ वर्षपछि कर्तव्य ज्यान मुद्दाका फरार प्रतिवादी पक्राउ
- बोलेरोको ठक्करबाट तीन युवकको मृत्यु
- एक सय वर्षदेखिको इतिहास धार्मिक पर्यटनसँग जोडिँदै
- रङ्गशाला निर्माण सम्झौता भङ्ग गर्ने राखेपको निर्णयप्रति जनकपुरधाम उपमहानगरको विरोध
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया