हतियारसहित पक्राउ गर्ने प्रहरीविरुद्ध नै पक्राउ पुर्जी जारी
काठमाडौं । बारामा हतियारसहित एक भारतीयलाई पक्राउ गर्ने प्रहरीलाई नै झूटो पक्राउ गरेको आरोपमा पक्राउ पुर्जी जारी भएको छ । घुमुवा प्रहरी रहेका बाराका सशस्त्र प्रहरीको बर्दिबासस्थित छिन्नमस्ता बाहिनीका वरिष्ठ हवलदार अशोक साह सोनार, सहायक हवलदार आत्माराम पटेल, सहायक हवलदार रत्नसागर झा र सशस्त्र प्रहरी जवान सुनिल कुमार यादवविरुद्ध पैसा दिएर भारतबाट हतियार मगाएर दुई जना भारतीयलाई पक्राउ गरेको आरोपमा अनुसन्धान गर्न भन्दै इलाका प्रहरी कार्यालय सिम्रौनगढको मागबमोजिम पक्राउ पुर्जी जारी गरिएको जिल्ला अदालतले जनाएको छ ।
प्रहरी कार्यालय बाराका प्रहरी नायब उपरीक्षक राजेश थापाले हतियारकाण्डमा नाम मुछिएपछि सशस्त्र प्रहरीका चार जनालाई बोलाएर एकपल्ट बयान लिएर हाजिरी जमानतमा छोडिएको बताए । सशस्त्र प्रहरीका चार जना घुमुवाले भारतीय नागरिक लालबाबु कुशवाहालाई पैसा दिएर हतियार खरिद गराई दुई जना भारतीयलाई नेपाल बोलाएर हतियारसहित पक्राउ गरेको बयानबाट खुलेपछि उनीहरुविरुद्ध पक्राउ पुर्जी जारी भएको प्रहरीले जनाएको छ ।
सशस्त्र प्रहरीले गएको वैशाख २३ गते भारतको पूर्वी चम्पारणको लौखानका २३ वर्षीय पप्पु कुमार यादव र अखिलेश कुमार सिंहलाई सिम्रौनगढ नगरपालिका–१० बाट बी आर ०१ सी १३६१ नम्बरको मोटरसाइकलमा सवार रहेको अवस्थामा दुई थान पेस्तोल र चार राउन्ड गोलीसहित पक्राउ गरेको थियो । नक्कली पक्राउ गर्नकै लागि दुवै जना भारतीय युवकलाई सशस्त्र प्रहरीका घुमुवाले हतियार खरिद गर्न पैसा दिएका भारतीय नागरिक लालबाबु कुशवाहाले पठाएको बयानबाट खुलेको प्रहरी स्रोतले जनाएको छ ।
क्याटेगोरी : समाचार
ताजा अपडेट
- पुल अलपत्र बनाउने निर्माण कम्पनी कालोसूचीमा
- इलाम–२ उपनिर्वाचन :रास्वपाबाट लिम्बू उम्मेदवार
- शिक्षाका लागि विद्यालयको पूर्वाधार निर्माण आवश्यक छ : मन्त्री राई
- स्वास्थ्यमन्त्री यादवलाई रास्वपाको २६ बुँदे सुझाव
- हिमालमा हेलिकोप्टरको सहारा
- चार दशमलव ७८ अंकले उक्लियो सेयर बजार
- राष्ट्रियसभाका उपाध्यक्षद्वारा राजीनामा
- पुँजीगत बजेट खर्च नहुने अवस्थाको अन्त्य हुनुपर्छ : प्रधानमन्त्री
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया