नेकोस काठमाडौं मेट्रो फिडे रेटिङ चेस प्रतियोगिताको उपाधि सिलवाललाई
काठमाडौं । नेपाल खेलकुद महासंघ (नेकोस) र साउथ वेस्टर्न स्टेट कलेजको संयुक्त आयोजनामा आइतबार सम्पन्न नेकोस काठमाडौं मेट्रो फिडे रेटिङ चेस प्रतियोगिताको उपाधि काठमाडौंका पुरुषोत्तम सिलवालले जितेका छन् । प्रतियोगितामा सहभागी ७१ जना प्रतिस्पर्धीलाई उछिन्दै दुईदिने प्रतियोगितामा शतप्रतिशत नतिजा हासिल गर्न सफल भएका सिलवालले सात खेलबाट सात अंक बनाउँदै सात हजार रूपैयाँ नगद पुरस्कार प्राप्त गरे ।
काठमाडौंका कुशल बेलबासे र तिलिङ्टार माविका पूर्णिमा गुरुङ समान छ अंकका साथ दोस्रो तथा तेस्रो स्थान हासिल गर्दै क्रमशः पाँच हजार तथा चार हजार नगद प्राप्त गरे । त्यसैगरी बर्दियाका निशान्त श्रेष्ठ ५ दशमलव ५ अंकका साथ चौथो स्थानमा रहँदै तीन हजार नगद हासिल गरे भने सात खेलबाट पाँच अंक बनाएका कपिल घिमिरे पाँचौं हुँदै नगद दुई हजार प्राप्त गर्न सफल रहे । काठमाडौंकी मार्सल तामाङ सात खेलबाट पाँच अंक बनाउँदै महिलातर्फ उत्कृष्ट घोषित भइन् ।
त्यसैगरी झापाकी पुनम प्रसाईं चार अंकका साथ दोस्रो, युनिशा सुवेदी तेस्रो, सिवानी रिजाल चौथो तथा सबनम रिजाल पाँचौँ स्थानमा रहन सफल भए । समान पाँच अंक बनाएका अभिक शाह तथा अविन पाण्डे १४ वर्षसम्मको उमेरसमूहमा क्रमशः पहिलो तथा दोस्रो स्थानमा रहन सफल भए । त्यस्तै समान ४ दशमलव अंक जोडेका आश्चर्य चौधरी तथा सागर सुप्रभ श्रेष्ठ तेस्रो तथा चौथो स्थानमा रहे भने आलोक चौधरी चार अंकका साथ पाँचौँ भए । १० वर्षसम्मको उमेरसमूहमा लक्ष्य मोर चार अंकका साथ पहिलो हुन सफल भए । त्यस्तै अग्रीम तामाङ, असिम महर्जन, ग्रिस्मन अधिकारी तथा तयाहाङ राई क्रमशः दोस्रो, तेस्रो, चौथो तथा पाँचौँ हुन सफल भए ।
प्रतियोगिताका विजेता : खेलाडीलाई नेपाल खेलकुद महासंघका स्कुल विभाग प्रमुख प्रभात विक्रम कटवाल, साउथ वेस्टर्न स्टेट कलेजका प्रिन्सिपल डा. राजेन्द्र केसी, नेपाल बुद्धिचाल संघका सदस्य अन्तर्राष्ट्रिय आर्बिटर उमेश केसी, इन्टरनेसनल मोटिभेसनल स्पिकर भुवनराज चतौट, नेकोसका केन्द्रीय सदस्य नवराज खरेल, प्रमुख आर्बिटर उतम ढुंगेल, कार्यक्रम संयोजक मिसन बास्कोटा, साउथ वेस्टर्न स्टेट कलेजका प्रोग्राम कोर्डिनेटर राजेन्द्र प्रसाद लामिछाने, स्पोट्र्स डिपार्टमेन्ट प्रमुख सुदर्शन जमकटेललगायतले मेडल, सर्टिफिकेट तथा ट्रफी प्रदान गरेका थिए ।
क्याटेगोरी : समाचार
ताजा अपडेट
- युएई एसिसी प्रिमियर कपको फाइनलमा, नेपाल छ विकेटले पराजित
- प्रत्येक प्रदेशमा एउटा औद्योगिक क्षेत्र बिस्तारको कार्यक्रम ल्याइने : मन्त्री भण्डारी
- पूर्वमुख्यसचिव शाक्यको राजकीय सम्मानका साथ अन्त्येष्टि
- सांसद हसिना खानद्वारा सपथ ग्रहण
- कांग्रेस सबै जात, धर्म र वर्गको पार्टी हो : सहमहामन्त्री राठोर
- ग्रीन हाइड्रोजन उत्पादनका लागि बुद्धभूमि हाइड्रो र केयूबीच सम्झौता
- घाँस काट्ने क्रममा रुखबाट खसेर मृत्यु
- गत वर्ष सडकमार्गबाट चार लाख पर्यटक मुस्ताङ पुगे
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया