बैंकिङ कसुरमा फरार व्यक्तिहरु पक्राउ

काठमाडौं । बैंकिङ कसुर मुद्दाका फरार प्रतिवादीलाई प्रहरीले पक्राउ गरेको छ । काठमाडौं उपत्यका अपराध अनुसन्धान कार्यालय मिनभवनका अनुसार काभ्रेको पनौती नगरपालिका घर भई हाल काठमाडौंको गोकर्णेश्वर वडा नं. १२ बस्दै आएका ५६ वर्षीय डल्ले कामीलाई काठमाडौंको धुम्वाराहीबाट पक्राउ गरिएको हो ।

लक्ष्मी माया रानामगरको जाहेरीले वादी नेपाल सरकार र प्रतिवादी कामी भएको बैंकिङ कसुर मुद्दामा उच्च अदालत पाटनबाट वि.सं. २०७७ साल मंसिर २३ गतेको फैसलाबाट कामीलाई १० लाख ५० हजार रुपैयाँ जरिवाना, चार दिन कैद र बिगो रकम १० लाख ५० हजार रुपैयाँ अपराध अनुसन्धान कार्यालयले जानकारी दिएको छ ।

अदालतको उक्त फैसलापश्चात् फरार भएका कामीलाई अपराध अनुसन्धान कार्यालयको टोलीले काठमाडौंको धुम्वाराहीबाट पक्राउ गरी सोमबार फैसाल कार्यान्वयनको लागि काठमाडौं जिल्ला अदालतमा पेस गरिएको जानकारी दिएको छ । यसैबिच उक्त कार्यालयले ठगी, आपराधिक विश्वासघात कसुर मुद्दाका फरार प्रतिवादी अनुराधा कुमारी साहलाई पनि पक्राउ गरेको जानकारी दिएको छ । कार्यालयका अनुसार धनुषाको रावेला घर भई हाल काठमाडौंको गौशाला बस्ने ४५ वर्षीय साहलाई ठगी कसुरमा पक्राउ गरिएको हो ।

तैयव अली समेतको जाहेरीको आधारमा नेपाल सरकार रामदेव साह तेली समेतको भएका ठगी, आपराधिक लाभा र विश्वासपक्ष कसुर मुद्दामा यही जेठ २८ गते काठमाडौंको बुद्धनगरबाट साहलाई पक्राउ गरिएको कार्यालयले जानकारी दिएको छ । पक्राउ परेकी साहलाई थप अनुसन्धान तथा कारवाहीको लागि इलाका प्रहरी कार्यालय कल्याणपुर सप्तरी पठाइएको अपराध अनुसन्धान कार्यालयले जानकारी दिएको छ ।