पोर्चुगल पठाइदिन्छु भनी ठगी गर्ने पक्राउ
काठमाडौं । आठ जना व्यक्तिलाई संस्थाको नाममा पोर्चुगल पठाइदिन्छु भनी नक्कली कागजात समेत दिई ठगी गर्ने एक जनालाई प्रहरीले पक्राउ गरेको छ । काठमाडौं उपत्यका अपराध अनुसन्धान कार्यालय मीनभवनका अनुसार काठमाडौं महानगरपालिका —४ बालुवाटार घर भई हाल काठमाडौंको टोखा नगरपालिका —६ ग्रान्डी बस्दै आएका ३५ वर्षीय रोहित प्रजापति भन्ने रोजित श्रेष्ठलाई बालुवाटारबाट पक्राउ गरिएको हो ।
तनहुँको बन्दीपुर नगरपालिका २ घर भई हाल काठमाडौं महानगरपालिका १७ म्हैपी बस्ने सुकमाया गुरुङले श्रेष्ठसँग चिनजान भई कुरा हुँदा काठमाडौं ४ बालुवाटारमा संयुक्त नेपाल अनाथ आश्रम असहाय समाज संस्था सञ्चालन गरेको छु, आफू उक्त संस्थाको केन्द्रीय अध्यक्ष हुँ, पोर्चुगलमा संस्थाको सेमिनार हुनलागेकोले जान लागेको हुँ, तपाईंलगायत तपाईंको आफन्तहरु जाने भए लगिदिन्छु भनी विश्वास दिलाई प्रलोभनमा पारी ठगेका थिए ।
उनले भिसा प्रोसेसिङ एवं हवाइ टिकटको लागि सुकमाया गुरुङ समेत आठ जनाबाट ३३ लाख ५० हजार रुपैयाँ रकम ठगेको भनी जाहेरी परेपछि अनुसन्धान गर्ने क्रममा जाहेरवाला लगायतका व्यक्तिहरुको नाममा जारी गरिएको भनिएको हवाइ टिकट तथा भिसाहरु नक्कली भएको पुष्टि भएपछि श्रेष्ठलाई पक्राउ गरिएको अपराध अनुसन्धान कार्यालयले जानकारी दिएको छ ।
सोमबार बालुवाटारबाट पक्राउ परेका उनलाई आवश्यक कानुनी कारवाहीको लागि जिल्ला प्रहरी परिसर काठमाडौं पठाइएको अपराध अनुसन्धान कार्यालयले जनाएको छ ।
क्याटेगोरी : समाचार
ताजा अपडेट
- बाह्र वर्षमै एसइई परीक्षा दिँदै पर्वतका एक छात्र
- कांग्रेस पुन: सरकारमा जान्छ : महामन्त्री थापा
- मिटर ब्याजका पाँच मुद्दामा मिलापत्र
- पेस्तोलसहित कपनबाट एकजना पक्राउ
- सहकारीमा गरेको बचत सुनिश्चित गर्न माग
- बाँकेमा बालविवाह न्यूनीकरण चुनौतीपूर्ण
- निर्माण व्यवसायीले सम्झौताबमोजिम काम नगर्दा योजनाका काम समयमै सम्पन्न भएन : प्रधानमन्त्री
- जलस्रोतमा सबैभन्दा बढी जलवायु परिवर्तनको असर परेको छ : मन्त्री बस्नेत
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया