रिचार्ज पोखरी फुट्दा ८ घरपरिवार विस्थापित
दोलखा । दोलखामा बाढी–पहिरोका घटना दैनिक रुपमा हुनथालेका छन् । आइतबार रातिको अविरल वर्षाले सदरमुकाम चरिकोट नजिकै रहेको रिचार्ज पोखरी फुटेर बस्ती पस्दा आठ घर पूर्ण रुपले क्षति भएको छ भने दुई दर्जन घर परिवारलाई जोखिममा परेका छन् ।
चरिकोट नजिकै रहेको म-याङ खोलामा भीमेश्वर नगरपालिकाले केही वर्षअघि रिर्चाज पोखरी निर्माण गरेको थियो । बस्तीमाथि रहेकोे पोखरी फुटेर बाढी आउँदा म¥याङ खोला छेउछाउ रहेको दुईवटा बस्तीमा क्षति पुगेको जिल्ला प्रहरी कार्यालय दोलखाले जनाएको छ । पोखरीको पानीसँगै बगेको पहिरोले चरिकोट–सिंगटी सडक खण्ड करिब सात घण्टा अवरुद्ध बनेको थियो । सडक थुप्रेको पहिरोलाई चरिकोटमा रहेको सशस्त्र प्रहरी बलले पन्छाएर सोमबार बिहान ८ बजेपछि अवरुद्ध सडक सञ्चालन ल्याएको सशस्त्र प्रहरी बल १८ नम्बर गुल्माका प्रहरी निरीक्षक जयन्त केसीले जानकारी दिए ।
यस्तै आइतबार राति नै सिंगटी बजारमा माथिबाट पहिरो जाँदा बजारस्थित खोलिखिमका दुईवटा घरमा क्षति पुगेको इलाका प्रहरी कार्यालय सिंगटीले जनाएको छ । दुवै घरका सदस्य पहिरो जानुअघि नै अन्यत्र बसेको हुँदा मानवीय क्षति हुनबाट जोगिएको प्रहरीको भनाइ छ । आइतबार राति नै दोलखाको सिँगटी, जिरी र आसपासका क्षेत्रमा ठूलो वर्षा भएको थियो ।
खिम्ती खोला, जिरी खोलालगायत तामाकोशीका साना सहायक नदीमा आकस्मिक वहाव बढ्ने सूचना दिएकाले मानवीय क्षति भने हुन नपाएको जिल्ला प्रहरी कार्यालय दोलखाले जनाएको छ । मानवीय क्षति नभए पनि आइतबार रातीको बाढी पहिरोले करोडौंको खेतीयोग्य जमिन र घरमा क्षति भएको छ । बाढी पूर्वानुमान महाशाखाले नदी आसपासका क्षेत्रमा अझै केही दिन बाढीको खतरा रहेको र भिरालो जमिनमा पहिरोको जोखिम रहेकाले सतर्कता अपनाउन आग्रह समेत गरेको छ ।
क्याटेगोरी : समाचार
ताजा अपडेट
- राजनीतिले लगानीकर्तामाझ उत्साह भर्न सक्नपर्छः राष्ट्रपति
- जङ्गलभरि आगलागी : बासस्थान खोज्दै गाउँ झरे वन्यजन्तु
- दलका कार्यसमितिको विवरण उपलब्ध गराइदिन निर्वाचन आयोगलाई शिक्षा मन्त्रालयको अनुरोध
- सोह्रौँ योजनाले एकीकृत पूर्वाधार र सूचना प्रविधिको बिस्तारमा जोड दिएको छः प्रधानमन्त्री
- बसको ठक्करबाट तीर्थयात्रीको मृत्यु
- नेपाल–चीन सहायता परियोजनाको पहिलो बैठक सम्पन्न
- ओहोदाको प्रमाणपत्र प्रस्तुत
- भगवती लेमिनेट्सको शंकास्पद आगलागी प्रकरणमा शिखर इन्स्योरेन्सको स्वीकृति
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया