कामपा १४ की वडा अध्यक्षविरुद्ध अख्तियारमा उजुरी
काठमाडौं, फागुन १४
काठमाडौँ महानगरपालिकाको वडा नम्बर १४ की वडा अध्यक्ष शोभा सापकोटाले गैरकानुनी ढङ्गले सिफारिस गरेको भन्दै अख्तियारमा उजुरी परेको छ । वडा अध्यक्ष सापकोटाले मोटो रकमको लोभमा नक्सामा बाटो नै नभएको जग्गामा बाटो रहेको सिफारिस दिएको जग्गा भोगचलन गर्दै आएकी रत्नदेवी थापाले अख्तियार दुरूपयोग अनुसन्धान आयोगमा उजुरी दर्ता गराएकी छिन् । वडा अध्यक्ष सापकोटाले गत माघ २० गते मालपोत कार्यालय कलंकीलाई सम्बोधन गरेर विनय गौतमलाई दिएको घरबाटोको सिफारिसमा तीन फिट दक्षिणतर्फबाट बाटो भएको घर तथा जग्गालाई उत्तरतर्फ रहेको रत्नादेवीले भोगचलन गर्दै आएको जग्गालाई बाटो भनी सिफारिस दिएकी थिइन् । सिफारिसमा उल्लेख गरिएको नक्सा नं. १०२–११४२–१२ को कित्ता नम्बर ९७ र ९८ को क्षेत्रफल दुुई सय ६१ दशमलव नौ वर्गफिट जग्गामा घरसमेत रहेको र सहायक पिच बाटोले छोएको उल्लेख गरिएको छ । उल्लेख गरिएको घर र बाटोको बीचमा कित्ता नम्बर ४ को २१ फिट जग्गा थापाथलीस्थित कालमोचनघाटको कालमोचन गुठीको नाममा श्रेस्ता कायम भएको १५ आना दुुई पैसा पर्दछ ।
कित्ता नम्बर ४ को १५ आना दुई पैसा जग्गा २०२१ सालमा नापी हुँदा उक्त जग्गा रत्नादेवीकी सासु तोयादेवीलाई माइतीले दाइजो दिएका थिए । उक्त जग्गाको भोगचलन रत्नदेवी थापाले नै गर्दै आएकी थिइन् । गुठीको जग्गामोही रत्नदेवी थापालाई आफ्नी सासुु तोयादेवी थापाले छ रोपनी जग्गा बकसपत्र गरेर दिएकी थिइन् । उनको घरबास भएको जग्गाको दक्षिणतर्फ विनय गौतमले कित्ता नम्बर ९७ र ९८ मा घर बनाई बसोबास गरेका थिए । उक्त घरमा चन्द्रागिरी नपा वडा नं. १५ स्थित असिता ट्रेडर्स प्रालिलाई बिक्री गर्नलाई सो जग्गामा जाने आउने बाटो कायमको लागि उक्त घर जग्गाको दक्षिणतर्फ कित्ता नम्बर ९३ र ३२४ को बाटो जोडिएको हुँदाहुँदै वडा कार्यालयले थापाले भोगचलन गर्दै आएको जग्गालाई ठूलो बाटो भनि सिफारिस गरेको थापाले बताइन् ।
उक्त घरसहितको जग्गा मालपोत कार्यालयको लगतअनुसार गत माघ २६ गते विवेक गौतम र सुलोचना लामिछानेको नाममा भएको कित्ता नम्बर ९७ र ९८ नम्बरको एकसय चार दशमलव दुुई वर्गफिट र एक सय ५७ दशमलव सात वर्गफिट गरी जम्मा दुुई सय ६१ दशमलव नौ वर्गफिट जग्गा घरसहित ऋषिता ट्रेडर्स प्रालिको नाममा नामसारी भएको छ । रत्नदेवीले आफूले भोगचलन गर्दै आएको जग्गा वडा अध्यक्षले सार्वजनिक बाटो रहेको सिफारिस बनाइदिएपछि पटक–पटक मालपोत कार्यालय, गुठी संस्थान र काठमाडौँ महानगरपालिकालाई जानकारी गराउँदासमेत सुनुवाइ नभएपछि अख्तियारमा उजुरी दिएको बताइन् ।
क्याटेगोरी : समाचार
ताजा अपडेट
- युएई एसिसी प्रिमियर कपको फाइनलमा, नेपाल छ विकेटले पराजित
- प्रत्येक प्रदेशमा एउटा औद्योगिक क्षेत्र बिस्तारको कार्यक्रम ल्याइने : मन्त्री भण्डारी
- पूर्वमुख्यसचिव शाक्यको राजकीय सम्मानका साथ अन्त्येष्टि
- सांसद हसिना खानद्वारा सपथ ग्रहण
- कांग्रेस सबै जात, धर्म र वर्गको पार्टी हो : सहमहामन्त्री राठोर
- ग्रीन हाइड्रोजन उत्पादनका लागि बुद्धभूमि हाइड्रो र केयूबीच सम्झौता
- घाँस काट्ने क्रममा रुखबाट खसेर मृत्यु
- गत वर्ष सडकमार्गबाट चार लाख पर्यटक मुस्ताङ पुगे
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया