पोखराका भूमिहीन सुकुमबासीलाई लालपुर्जा वितरण

काठमाडौं । कास्कीको पोखरामा रहेका भूमिहीन सुकुमबासीलाई जग्गाधनी दर्ता प्रमाणपुर्जा (लालपुर्जा) वितरण गरिएको छ । पोखरा महानगरपालिका वडा नं. १४, १९, २८ र ३१ का गरेर ३९ भूमिहीन सुकुमबासीलाई लालपुर्जा वितरण गरिएको हो ।

पोखरामा आयोजित एक कार्यक्रमका बीच भूमि व्यवस्था, सहकारी तथा गरिबी निवारण मन्त्री शशी श्रेष्ठले उनीहरूलाई लालपुर्जा हस्तान्तरण गरेकी हुन् । कार्यक्रममा उनले राष्ट्रिय भूमि आयोगमार्फत वितरण भइरहेको लालपुर्जा खारेज नहुने बताइन् । सम्पूर्ण कानुनी प्रक्रिया पूरा गरेर भूमिहीन सुकुमबासीलाई लालपुर्जा वितरण गरिएको उनको दाबी छ । साथै उनले वास्तविक भूमिहीन सुकुमबासी भूमि पाउनबाट वञ्चित हुन नहुनेमा पनि जोड दिइन् ।

यस्तै कार्यक्रममा मन्त्री श्रेष्ठले मुक्त हलिया, कमैया, कमलरी र हरवाचरवाको समस्या समाधान गर्न उनीहरूको पहिचान, प्रमाणीकरण गर्ने, कार्यविधि तयार गर्ने र पुनस्र्थापनाको कामका लागि कार्ययोजना बनाएर अगाडि बढिसकेको जानकारी दिइन् ।