एक सय ७८ वटा बैंक तथा फाइनान्स कम्पनीहरूको लाइसेन्स खारेज
काठमाडौं । मर्जर तथा प्राप्तिसम्बन्धी नीतिमा नेपाल राष्ट्र बैंकले उल्लेखनीय सफलता हासिल गरेको छ । मर्जरसम्बन्धी व्यवस्था कार्यान्वयनमा आएपश्चात् हालसम्म एक सय ७८ बैंक तथा फाइनान्स कम्पनीहरुको लाइसेन्स अर्थात् अनुमतिपत्र खारेज हुनुले पनि मर्जरसम्बन्धी व्यवस्थामा राष्ट्र बैंक सफल देखिएको हो ।
राष्ट्र बैंकका अनुसार मर्जर तथा प्राप्ति प्रक्रियामा सामेल भएकै कारण तत्कालीन गाण्ड बैंक, किष्ट बैंक, जनता बैंक, एनआईसी बैंक, बैंक अफ एसिया नेपाल लिमिटेड, प्रभु विकास बैंक, प्रभु फाइनान्स, एचएण्डबी बैंक, टुरिजम डेभलपमेन्ट बैंक, क्लिन इनर्जी डेभलपमेन्ट बैंक, एस डेभलपमेन्ट बैंक, सूर्यदर्शन फाइनान्स, कन्ट्री डेभलपमेन्ट बैंक, पशुपति डेभलमेन्ट बैंकसहितका झण्डै दुई सयवटा बैंक तथा फाइनान्स कम्पनीहरुको लाइसेन्स खारेज भएका हुन् ।
चालू आर्थिक वर्षको पहिलो महिनासम्ममा दुई सय ४५ वटा बैंक तथा वित्तीय संस्थाहरु मर्जर तथा प्राप्ति प्रक्रियामा सामेल भएको राष्ट्र बैंकको भनाइ छ । राष्ट्र बैंकका अनुसार वित्तीय स्थायित्व सुदृढीकरण गर्ने उद्देश्यले बैंक तथा वित्तीय संस्था गाभ्ने, गाभिने तथा प्राप्तिसम्बन्धी प्रक्रिया सुरु गराएपश्चात् २०७९ साउन मसान्तसम्ममा कुुल दुुई सय ४५ वटा बैंक तथा वित्तीय संस्था मर्जर तथा प्राप्ति प्रक्रियामा सामेल भएका हुुन् । यसमध्ये एक सय ७८ वटा संस्थाको इजाजत खारेज हुन गई कुल ६७ वटा संस्था मात्र कायम रहेको राष्ट्र बैंकले जनाएको छ ।
बैंक तथा वित्तीय संस्थाहरुको कुुल संख्या भने यस अवधिमा एक सय २६ वटा कायम भएको छ । सोअनुुरुप २६ वटा वाणिज्य बैंक, क्षेत्रीय र राष्ट्रियस्तरका समेत गरी १७ वटा विकास बैंक, १७ वटा फाइनान्स कम्पनी, ६५ वटा लघुुवित्त वित्तीय संस्था र एउटा पूर्वाधार विकास बैंक सञ्चालनमा रहेको राष्ट्र बैंकले जानकारी दिएको छ । सञ्चालनमा रहेका २६ वटा वाणिज्य बैंकहरुले भने सात सय ५२ स्थानीय तहमा शाखा विस्तार गरेका छन् ।
नेपाल राष्ट्र बैंकले सार्वजनिक गरेको देशको वर्तमान आर्थिक तथा वित्तीय अवस्थासम्बन्धी चालू आर्थिक वर्षको पहिलो महिनाको विस्तृत प्रतिवेदन अनुसार सातवटा प्रदेशका सात सय ५३ स्थानीय तहमध्ये अब वाणिज्य बैंकहरुको शाखा पुुग्न बाँकी रहेको स्थानीय तहको संख्या एउटा मात्र छ ।
यस अवधिमा बैंक तथा फाइनान्स कम्पनीहरुको कुुल शाखा संख्या भने ११ हजार पाँच सय ५५ पुुगेको छ । जसमध्ये वाणिज्य बैंकहरुको कुल शाखा संख्या पाँच हजार ३१, विकास बैंकहरुको एक हजार एक सय २०, फाइनान्स कम्पनीहरुको दुुई सय ६९ र लघुुवित्त वित्तीय संस्थाहरुको पाँच हजार एक सय ३५ वटा शाखाहरु सञ्चालनमा रहेका छन् । यसअघि अर्थात् २०७९ असार मसान्तसम्ममा बैंक तथा फाइनान्स कम्पनीहरुको कुुल शाखा संख्या ११ हजार पाँच सय २८ रहेको थियो ।
क्याटेगोरी : समाचार
ताजा अपडेट
- बागमती प्रदेशसभाको बैठक आज राति १२ बजेदेखि अन्त्य
- उपनिर्वाचनको मौन अवधि आज रातिदेखि
- त्रिविका कानुनी सल्लाहकार खनाललाई कारबाही नगर्न आदेश
- अन्तर्राष्ट्रिय वित्तीय संस्थाका प्रतिनिधिद्वारा अर्थमन्त्रीसँग भेट
- १७ वर्षपछि कर्तव्य ज्यान मुद्दाका फरार प्रतिवादी पक्राउ
- बोलेरोको ठक्करबाट तीन युवकको मृत्यु
- एक सय वर्षदेखिको इतिहास धार्मिक पर्यटनसँग जोडिँदै
- रङ्गशाला निर्माण सम्झौता भङ्ग गर्ने राखेपको निर्णयप्रति जनकपुरधाम उपमहानगरको विरोध
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया