पाँच सय ५० बढी पालिकालाई विपत् जोखिम न्यूनीकरण तथा व्यवस्थापनसम्बन्धी तालिम
काठमाडौं । आप्रवासनसम्बन्धी संयुक्त राष्ट्र संघीय निकाय (आईओएम)ले पाँच सय ५० भन्दा बढी पालिकाहरूलाई विपत् जोखिम न्यूनीकरण तथा व्यवस्थापनको स्थानीयकरणसम्बन्धी तालिम दिएको छ । ‘कोही नछुटोस्’ भन्ने अवधारणा अवलम्बन गर्दै आइओएमले पालिकाहरूलाई तालिम दिएको हो ।
अक्टोबर १३ तारिखका दिन संसारभर मनाइने अन्तर्राष्ट्रिय विपत् जोखिम न्यूनीकरण दिवसको अवसर पारेर आईओएमले अमेरिकी सहयोग नियोग (यूएसएड)को मानवीय सहायता ब्युरोको आर्थिक सहयोगमा उक्त तालिमसम्बन्धी परियोजना सञ्चालन गरेको हो । परियोजनाले देशभरका सबै स्थानीय तहमा पुग्ने लक्ष्य राखेको र हालसम्म देशका ७५ प्रतिशतभन्दा बढी पालिकामा सम्पन्न भइसकेको बताइएको छ । संघीय मामिला तथा सामान्य प्रशासन मन्त्रालयको नेतृत्वमा आईओएमले नवनिर्वाचित स्थानीय तहका अधिकारीहरूलाई विपत् न्यूनीकरण तथा व्यवस्थापन कानुन, नीति र कार्ययोजनाको स्थानीयकरण गर्न सक्षम बनाउन तालिम सञ्चालन गर्दै आएको छ । यी तालिमले अन्ततः विपत् जोखिम कम गर्न र भविष्यमा आइपर्ने प्रकोपका बखत जिउधन जोगाउने प्रतिकार्य गर्न समुदायको तथा सरकारी क्षमता अभिवृद्धि गर्न बलियो आधार बनाउँछन् ।
आईओएमका नेपाल प्रमुख लोरेना ल्यान्डोले प्रशिक्षणले सफ्टका बेला उत्तम र समयमै प्रतिकार्य गर्न, पूर्वयोजना विकास गर्न तथा विपत् रोकथाम र न्यूनीकरणमा स्थानीय अधिकारीहरूका लागि लाभदायी हुने बताए । नेपालमा आईओएमले सन् २०१८ देखि तीनै तहका सरकारहरूका साथै समुदाय तथा व्यक्तिहरूलाई प्रभावकारी विपत् रोकथाम, तयारी, प्रतिकार्य तथा पुनर्लाभ गतिविधिहरूका लागि सहयोग गर्दै आएको उनको भनाइ छ । यस प्राविधिक सहयोग आईओएमले नेपाल सरकारलाई प्रभावकारी विपत् रोकथाम, पूर्वतयारी, प्रतिकार्य तथा पुनर्लाभ गतिविधिहरूका लागि स्थानीय तहको कानुनी ढाँचा र क्षमतालाई बलियो बनाउनका लागि गरेका सहयोगहरूमध्ये एक हो ।
प्रशिक्षण पाठ्यक्रममा अन्य विषयवस्तुका साथै पूर्वसूचना प्रणाली, विपत् जोखिम सूचना, मूल्यांकन आदि विषयवस्तुहरू समावेश छन्, जसले सेन्डाइ फ्रेमवर्कको सातौँ लक्ष्य हाँसिल गर्न योगदान पु-याउँछ । सन् २०३० सम्म बहुपक्षीय पूर्वसूचना प्रणाली र विपत् जोखिम सूचना वृद्धि गर्न आवश्यक लेखाजोखा गर्न क्षमता विकास गर्न सातौँ लक्ष्यले जोड दिएको छ । सन् २०२२ को अन्तर्राष्ट्रिय विपत् जोखिम न्यूनीकरण दिवस पनि सातौँ लक्ष्यसँग केन्द्रित छ । ‘परिवर्तन’ नामको यस परीयोजनाअन्तर्गत स्थानीय तहका करिब १२ हजार निर्वाचित प्रतिनिधि तथा सरकारी अधिकारीहरूलाई तालिम दिइसकिएको छ । परियोजनाले ‘स्थानीय सरकारहरूको विपत् जोखिम व्यवस्थापन क्षमता अभिवृद्धि प्रशिक्षण कार्यसञ्चालन निर्देशिका’को आधारमा आगामी महिनामा करिब छ हजार जनालाई प्रशिक्षण दिने लक्ष्य राखेको छ ।
यी तालिमहरू भूकम्प प्रविधि राष्ट्रिय समाज–नेपाल (एन्सेट) नेतृत्वको छाता संगठनअन्तर्गत प्राक्टिकल एक्सन कन्सल्टिङ र लुथरन वल्र्ड फेडेरेसनसँगको साझेदारीमा आयोजना भइरहेका हुन् । बाँकी ५१ स्थानीय तहका लागि तालिमहरू यूएसएडको आर्थिक सहयोगमा अन्य परियोजनाहरूअन्तर्गत सञ्चालन भइरहेका छन् । अन्तर्राष्ट्रिय विपत् जोखिम न्यूनीकरण दिवस प्रत्येक वर्ष अक्टोबर १३ तारिखका दिन विपत् जोखिम न्यूनीकरणको विश्वव्यापी संस्कृति प्रवद्र्धन गर्ने उद्देश्यसहित मनाइन्छ । यस दिनलाई विपत् जोखिम न्यूनीकरण र जीवन, जीविकोपार्जन, अर्थतन्त्र र आधारभूत पूर्वाधारमा हुने क्षतिलाई न्यूनीकरण गर्ने दिशामा भइरहेको प्रगतिलाई मनन गर्ने अवसरको रूपमा विश्वव्यापी प्रकोप जोखिम र यसबाट हुने क्षति न्यूनीकरणका लागि मार्च २०१५ मा अपनाइएको विश्वव्यापी सम्झौता ‘सेन्डाइ फ्रेमवर्क २०१५–२०३०’का अनुसार मनाइन्छ । अन्तर्राष्ट्रिय विपत् जोखिम न्यूनीकरण दिवस २०२२ सबैका लागि जनचेतना वृद्धि गर्न, पूर्वसूचना र पूर्वकार्यहरू गर्नेमा केन्द्रित छ ।
क्याटेगोरी : समाचार
ताजा अपडेट
- न्युयोर्कमा ११४औँ अन्तर्राष्ट्रिय महिला श्रमिक दिवस
- ललितपुर महानगरका नगरप्रमुखद्वारा जिपि फाउन्डेशन अमेरीकाको कार्यालयमा विशेष भेटघाट एवं समसामयिक छलफल
- राष्ट्रपतिद्वारा विधेयक प्रमाणीकरण
- टी–२० शृङ्खलाः नेपाल ‘ए’ टोली आयरल्याण्डको ‘ए’ टोलीसँग पराजित
- न्युयोर्कमा ११४औँ अन्तर्राष्ट्रिय महिला श्रमिक दिवस
- बाह्र वर्षमै एसइई परीक्षा दिँदै पर्वतका एक छात्र
- कांग्रेस पुन: सरकारमा जान्छ : महामन्त्री थापा
- मिटर ब्याजका पाँच मुद्दामा मिलापत्र
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया