अटोमोबाइल्समा लगाइएको आयात प्रतिबन्ध हटाउन माग
काठमाडौं । अटोमोबाइल्स एसोसियन अफ नेपाल (नाडा)ले अटोमोबाइल्स क्षेत्रमा लगाइएको आयात प्रतिबन्ध हटाउन माग गरेको छ । नाडाले शुक्रबार पत्रकार सम्मेलन गरी आयात प्रतिबद्ध फुकुवा गर्न माग गरेको हो ।
सरकारले विगत आठ महिनादेखि पेट्रोलियम पदार्थबाट चल्ने कार, जिप, भ्यानजस्ता निजी प्रयोजनका सवारीसाधनहरूको आयातमा प्रतिबन्ध लगाएको छ । अटोमोबाइल्स आयात प्रतिबन्ध लगाउँदा व्यवसायमा समस्या सिर्जना भएको नाडाका उपाध्यक्ष सुनिल रिजालले बताए । आयात प्रतिबन्धका साथसाथै अटोमोबाइल व्यवसायसँग सम्बन्धित विषयहरुमा राष्ट्र बैंकले ल्याएको एकपछि अर्को व्यवसायअमैत्री नीति नियमहरु हायर पर्चेज कर्जामा ५० प्रतिशतको सीमा, जोखिमभारमा वृद्धि, प्रतितपत्र मार्जिनमा बढोत्तरीलगायत विभिन्न नीतिनियमहरुमा गरिएको कडाइका कारण अटोमोबाइल व्यवसायीहरु पूर्णतः धराशायी हुने अवस्थामा पुगेको नाडाले जनाएको छ । यससँगै हाल जारी गरिएको चालूू पुँजी कर्जा तथा बैंकको ब्याज तथा प्रिमियम दरमा गरिएको वृद्धिका कारण यो व्यवसाय तहसनहस हुने अवस्थामा पुगेको नाडाको भनाइ छ । नाडाका अनुसार सयौँ अटोमोबाइल सोरुमहरु बन्द भइसकेका छन् भने थप अन्य सोरुमहरु समेत बन्द हुने क्रममा रहेका छन् ।
नेपालको अटोमोबाइल क्षेत्रले सरकारको राजस्वमा २१ प्रतिशत योगदान गर्दै आएको छ । यस क्षेत्रले नेपालको विज्ञापन बजारमा ४० प्रतिशत र निर्जीवन विमाको कुल राजस्वमा ५० प्रतिशत हिस्सामा योगदान पु-याउँदै आएको भए पनि सरकारले यस क्षेत्रलाई विलासी वस्तुहरुमा वर्गीकरण गरेको भन्दै नाडाले असन्तुष्टि जनाएको छ । साथै सरकारले यस व्यवसायलाई नै निरुत्साहित गर्ने उद्देश्यले क्रमबद्धरुपमा विभिन्न नीतिगत अवरोधहरु तेस्र्याउने गरेको नाडाको आरोप छ । ती नीतिगत अवरोधहरु हटाई व्यवसायमैत्री वातावरण सिर्जना गर्न पटक–पटक सम्बद्ध निकायहरुसँग अनुरोध गर्दै आए पनि कुनै सुनवाइ नभएको नाडाको भनाइ छ । आफ्नो माग सुनुवाइ नभएको भन्दै नाडाले चरणबद्ध रुपमा आन्दोलनका कार्यक्रमहरु समेत घोषणा गरेको छ । नाडाले अटोमोबाइल्स व्यवसायीले ब्याजदरमा कटौती, कोरोनाकालमा संकटमा परेका व्यवसायीलाई राहतको व्यवस्था, अटोमोबाइल्सको प्रतिबन्ध फुकुवा हुनुपर्नेलगायतका माग राखेको छ ।
क्याटेगोरी : समाचार
ताजा अपडेट
- युएई एसिसी प्रिमियर कपको फाइनलमा, नेपाल छ विकेटले पराजित
- प्रत्येक प्रदेशमा एउटा औद्योगिक क्षेत्र बिस्तारको कार्यक्रम ल्याइने : मन्त्री भण्डारी
- पूर्वमुख्यसचिव शाक्यको राजकीय सम्मानका साथ अन्त्येष्टि
- सांसद हसिना खानद्वारा सपथ ग्रहण
- कांग्रेस सबै जात, धर्म र वर्गको पार्टी हो : सहमहामन्त्री राठोर
- ग्रीन हाइड्रोजन उत्पादनका लागि बुद्धभूमि हाइड्रो र केयूबीच सम्झौता
- घाँस काट्ने क्रममा रुखबाट खसेर मृत्यु
- गत वर्ष सडकमार्गबाट चार लाख पर्यटक मुस्ताङ पुगे
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया