सोलुखुम्बु । सोलुखुम्बुको जिल्ला सामुदायिक आँखा केन्द्र फाप्लुले १७ सय बढी विद्यार्थीको आँखा जाँच गरेको छ । केन्द्रले ‘विद्यालय आँखाजाँच कार्यक्रम’मार्फत सोलुदुधकुण्ड नगरपालिकाको नौवटा विद्यालयमा सञ्चालन गरेको शिविरमार्फत १७ सय १४ जना विद्यार्थीको आँखा जाँच गरिएको हो । उक्त कार्यक्रममार्फत आठ सय ६७ छात्रा र आठ सय ४७ जना छात्र लाभान्वित भएको आँखा केन्द्रका प्रमुख विधान ताम्राकारले जानकारी दिए ।
उनका अनुसार पिके मावि लोदिङका एक सय चार, जुनबेशी मावि जुनबेशीका एक सय दुई, बालेश्वर मावि केरुङका एक सय ३५, सेर्कासिङ आवि नाजिङका ५९ र फाप्लु सामुदायिक आवि फाप्लुका एक सय ८१ जनाले सेवा लिएका छन् ।
यस्तै जनप्रिय मावि टाप्टिङका दुई सय ४५, फाप्लु सामुदायिक मावि फाप्लुका एक सय १५, जनजागृति आवि सल्लेरीका एक सय ६९ र ह्वाइहिल्स मावि सल्लेरीका छ सय चार जना विद्यार्थीको आँखा जाँच गरिएकोे केन्द्रको तथ्यांक छ । गत मंसिर २५ देखि पुस ७ गतेसम्म विद्यालयमा पुगेर सञ्चालन गरिएकोे शिविरमार्फत एक सय ५५ जनालाई चस्मा लगाउन सुझाव दिइएको आँखा कार्यकर्ता दिनेश राईले बताए ।
उक्त शिविर तिलगंगा आँखा प्रतिष्ठान काठमाडौं, हिमालयन क्याट-याक प्रोजेक्ट र सोलुदुधकुण्ड नगरपालिका शिक्षा शाखाको समन्वयमा सञ्चालन गरिएको जिल्ला सामुदायिक आँखा केन्द्र फाप्लुले जनाएको छ ।
क्याटेगोरी : समाचार
ताजा अपडेट
- नेपाल घरेलु तथा साना उद्योग महासंघ ३४ औँ वर्षमा
- मैदा उद्योग संघको अध्यक्षमा पुनः दुगड
- शाओमीको एक्सचेन्ज अफर
- सामसङको ग्यालेक्सी एफ ५४ नेपालमा सार्वजनिक
- गर्मी बढेसँगै वाग्मतीको दुर्गन्ध बढ्यो
- चुरे नचलाउन सरकारलाई रघुजी पन्तको चेतावनी
- मेडिसिटी अस्पतालमा काम गर्ने कर्मचारी ठगीको आरोपमा पक्राउ
- नेपाल लाइफद्वारा अभिकर्तालाई प्रशिक्षण
धेरैले पढेको
- मध्यपहाडी राजमार्गका ठेक्काहरू तोड्दै कार्यस्थल छाड्न निर्माण व्यवसायीलाई निर्देशन
- बाँझो जग्गामा सामूहिक आलु खेती
- बहसमा कर्मचारी अवकाश उमेरहद
- अख्तियारका पूर्वआयुक्त पाठक भ्रष्टाचारी ठहर
- काठमाडौं महानगरः बालेन तिमी सेलिब्रिटी हुने कि नेता ?
- किन संस्थानहरू उँभो लाग्दैनन् ?
- अर्थमन्त्री पौडेलले कसरी बढाउलान् आम्दानी र पुँजीगत खर्च ?
- बढ्दो वित्तीय लगानी र घट्दो अर्थतन्त्र
- जनता कति टुलुटुलु हेरेर बस्ने ?
तपाईको प्रतिक्रिया