विराटनगर बजारमा तस्करीका सामान छ्याप्छ्याप्ती
विराटनगर । विराटनगर बजारमा तस्करी गरी ल्याईएका सामानहरूको बिक्री–वितरण भइरहेको पाइएको छ । आन्तरिक राजस्व कार्यालय विराटनगरले गरेको बजार अनुगमनका क्रममा अवैधरूपमा ल्याइएको समानहरू बिक्री–वितरण भइरहेको फेला परेको हो ।
लगातार दुई वर्षदेखि लक्ष्यअनुसारको राजस्व सङ्कलन गर्न नसकिरहेको अवस्थामा सीमा क्षेत्रबाट चोरी तस्करी भई आउने वस्तुको बिक्री–वितरण हुने क्रम बढेको निष्कर्षसहित कार्यालय बजार अनुगमनमा निस्केको हो । नेपाल–भारतका बीचमा रहेको खुला सीमानाबाट केही सीमित व्यवसायीहरूले कारोबार गर्दै आएको भन्ने सूचनालाई आधार मानेर कार्यालयले बजार अनुगमनलाई तीव्रता दिएको उल्लेख गरेको छ । खुला सीमा रहेको भारतीय बजारबाट भइरहेको तस्करीका कारण राजस्व चुहावट बढेको कार्यालयले जनाएको छ । तस्करी र राजस्व चुहावट नियन्त्रण गर्ने उद्देश्यले बजार अनुगमन गर्न निस्किएको टोलीले अनुगमनलाई केही समय निरन्तरता दिने र बजारमा हस्तक्षेपकारी भूमिकामा जाने निष्कर्ष निकालेको छ ।
आन्तरिक राजस्व कार्यालय विराटनगर, जिल्ला प्रशासन कार्यालय मोरङ, विराटनगर भन्सार कार्यालय, राजस्व अनुसन्धान कार्यालय इटहरी, वाणिज्य कार्यालय विराटनगर र विराट व्यापार संघको प्रतिनिधि सम्मिलित संयुक्त टोलीले बजार अनुगमन गरिरहेको छ । बजार अनुगमन टोेलीले हार्डवेयर पसल, मदिरा पसल, किराना पसल र कपडा पसलको अनुगमन गरेको छ । अनुगमनका क्रममा टोलीले तस्करीमार्फत ल्याएर बिक्रीका लागि राखिएका विभिन्न वस्तु समेत नियन्त्रणमा लिएको छ । विशेषगरी खाद्यपदार्थ र चिनी आदि नियन्त्रणमा लिएको कार्यालयले जनाएको छ ।
अनुगमन टोलीले वस्तुको उत्पादन मिति केरमेट गरिएको ९५ लिटर इनामेल समेत जफत गरेको छ । यस्तै अनुगमन टोलीले व्यवसायीहरूलाई बिलबिजक जारी गर्न, तस्करीको सामान नकिन्न र म्याद सिद्धिएका सामान पसलमा नराख्न समेत निर्देशन दिएको छ । तर पछिल्लो समय भन्सार नतिरी मेसिनरी पार्टपुर्जा, हार्डवेयरका विभिन्न सामानहरू, चिनी, लत्ताकपडा, दुधलगायत विभिन्न किराना वस्तुहरू चोरी तस्करी गरी ल्याउने क्रम ब्यापक बढेको छ । नियमनकारी निकायहरूले विशेषगरी ठूला चाडपर्वको समयमा मात्र बजार अनुगमन गर्ने र अरुबेला बजारलाई बेपर्वाह छाड्ने गरेका कारण तस्करी मौलाएको सरोकारवालाहरूको भनाइ छ ।
क्याटेगोरी : समाचार
ताजा अपडेट
- राष्ट्रपति पौडेलद्वारा जोशीको रिहाइका लागि पहल गरिदिन कतार अमिरलाई आग्रह
- राष्ट्रपति पौडेल र कतारका अमिर अल थानीबीच भेटवार्ता
- कतारका अमिर नेपालमा, राष्ट्रपति पौडेलबाट स्वागत
- प्रज्ञा स्मृति प्रतिष्ठानको आयोजनामा प्रकाश दाहाल स्मृति भलिबल प्रतियोगिता हुने
- कतारका अमिर शेखको स्वागतमा सांस्कृतिक भेषभूषामा नेपाली
- कतारका अमिरको भ्रमणमा श्रम सम्झौता नवीकरण एउटा मुद्दा, नेपाल के चाहन्छ ?
- मोटरसाइकल दुर्घटनामा धनुषाका पत्रकार यादवको मृत्यु
- कतारका अमिरको नेपाल भ्रमण: भैरहवा–कतार हवाई उडान सम्झौताका लागि पहल गर्न आग्रह
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया