Techie IT
×
गृहपृष्ठसमाचारसोलुखुम्बुमा अवैधरूपमा नौवटा क्रसर उद्योग सञ्चालन

सोलुखुम्बुमा अवैधरूपमा नौवटा क्रसर उद्योग सञ्चालन


सोलुखुम्बु । हिमाली जिल्ला सोलुखुम्बुमा कानुनविपरीत नौवटा क्रसर उद्योगहरू सञ्चालनमा रहेका छन् । जिल्लाको सोलुदुधकुण्ड नगरपालिका, थुलुङ दुधकोशी र सोताङ गाउँपालिका क्षेत्रमा गरी नौवटा क्रसर उद्योगहरू अवैधरूपमा सञ्चालनमा रहेको जिल्ला प्रशासन कार्यालय सोलुखुम्बुले जनाएको छ ।

हाल सोलुदुधकुण्ड नगरपालिका– २ मा सोलुखुम्बु कंक्रिट इन्डस्ट्रिज प्रालि, बेनी हाइड्रो र माथिल्लो सोलुखोला जलविद्युत् आयोजना, सोलुदुधकुण्ड नगरपालिका– ११ मा तल्लो सोलु जलविद्युत् आयोजना (हेड वर्क) र तल्लो सोलु जलविद्युत् आयोजना (पावर हाउस), थुलुङ दुधकोशी गाउँपालिका– २ मा खाम्पाचे शेर्पा निर्माण सेवा र युनुकुली कर्सर निर्माण सेवा र सोताङ गाउँपालिका– ५ मा हुगा कन्ट्रक्सन प्रालि सञ्चालनमा रहेका छन् । जसमा छवटा क्रसर उद्योग हाल सञ्चालनमा छन् भने बाँकी तीनवटा सञ्चालनमा नरहेको प्रमुख जिल्ला अधिकारी बसन्त भट्टराईले जानकारी दिए ।

उक्त क्रसरहरू दर्ता भएको दाबी गरिए पनि घरेलु तथा साना उद्योग कार्यालयमा भने कुनै पनि उद्योग दर्ता नभएको पाइएको छ । त्यस्ता उद्योगहरू घरेलुमा अनिवार्य दर्ता हुनुपर्ने व्यवस्था भए पनि उद्योगहरूले हाइड्रोपावर तथा अन्य कारण देखाएर दर्ता नगरेको स्रोतको दाबी छ । 


क्याटेगोरी : समाचार

तपाईको प्रतिक्रिया