बैंकिङ कसुरमा ४१ लाख जरिवाना ठहर भएका व्यक्ति पक्राउ

काठमाडौं ।  ४१ लाख रुपैयाँ जरिवाना ठहर भएका बैंकिङ कसुर मुद्दाका फरार प्रतिवादी पक्राउ परेका छन् । केन्द्रीय अनुसन्धान ब्युरो (सीआईबी)का प्रहरी उपरीक्षक सञ्जय सिंह थापाका अनुसार रामेछाप जिल्लाको रामेछाप नगरपालिका–३ घर भई हाल काठमाडौं महानगरपालिका–३२ बस्ने ३३ वर्षीय शिवहरि खड्कालाई बुधबार पक्राउ गरिएको हो ।

उच्च अदालत पाटनको २०७९ मंसिर २० गतेको फैसलाले १४ दिन कैद र ४१ लाख रुपैयाँ जरिवाना ठहर भई फरार रहेका थापालाई केन्द्रीय अनुसन्धान ब्युरो महाराजगञ्जबाट खटिएको प्रहरीले काठमाडौं बबरमहलबाट पक्राउ गरेको हो, प्रहरी उपरीक्षक थापाले भने ।

आफ्नो बैंक खातामा पर्याप्त मौज्दात रकम नभएको भन्ने जानी–जानी पीडितलाई झुक्याई २०७८ साउन र भदौ महिनामा दिएको दुई थान चेकको रकम भुक्तान हुन नसकेको घटनामा अदालतले उक्त फैसला गरेको थियो । उनलाई फैसला कार्यान्वयनको लागि जिल्ला अदालत ललितपुरमा पेश गरिएको प्रहरी उपरीक्षक थापाले जानकारी दिए ।