झिनो अंकले ओरालो लाग्यो सेयर बजार

काठमाडौं । सेयर बजार परिसुचक ओरालो लागेको छ । अघिल्लो दिन १० दशमलव ३७ अंकले उकालो लागेको बजार परिसुचक साताको अन्तिम कारोबार दिन आज बिहिबार भने शुन्य दशमलव ४१ अंकले ओरालो लागेर २१ सय ८३ दशमलव २१ बिन्दुमा झरेको छ ।

यसैगरी ‘क’ बर्गका कम्पनीहरुको कारोबार मापन गर्ने सेन्सिटिभ इन्डेक्स पनि एक दशमलव १० अंकले ओरालो लागेर चार सय १३ दशमलव १४ बिन्दुमा झरेको छ । आज १३ वटा उपसमुहहरु अन्तर्गत दुई सय ५४ वटा कम्पनीहरुको सेयर कारोबार भएका छन् ।

जसबाट ४७ हजार नौं सय नौं पटकको कारोबारमा ७७ लाख ६४ हजार एक सय ५३ कित्ता सेयर किनबेच भएका छन् । सोही किनबेचका आधारमा आज कुल कारोबार रकम दुई अर्ब ८६ करोड ८२ हजार आठ सय ३९ रुपैंयाँ पुगेको छ ।

नेपाल स्टक एक्सचेन्ज लिमिटेड (नेप्से) मा आज कारोबार भएका कुल उपसुमहरु मध्ये छ वटा उपसमुहहरुको सुचक ओरालो लागेका छन् भने बाँकी उपसमुहहरुको सुचक उकालो लागेका छन् ।