चेक अनादर मुद्दामा भागेका सोनार पक्राउ

काठमाडौं । चेक अनादर मुद्दाका फरार प्रतिवादी पक्राउ परेका छन् । काठमाडौं उपत्यका अपराध अनुसन्धान कार्यालय मिनभवनका सूचना अधिकारी प्रहरी उपरीक्षक कृष्ण प्रसाद कोइरालाका अनुसार चेक अनादर मुद्दामा जिल्ला अदालत कलैया बाराको २०७९ पुस २९ फैसलाले फरार रहेका बाराको साबिक कर्चोवा गाविस वडा नं. ६ परिवर्तित सिम्रोनगढ नगरपालिका वडा नं ९ बस्ने ५८ वर्षीय रामऔतार साह सोनारलाई पक्राउ गरिएको हो ।

प्रहरी उपरीक्षक कोइरालाका अनुसार सोनारलाई जिल्ला प्रहरी कार्यालय बाराबाट खटिई आएको प्रहरी टोलीसँग समन्वय गरी बिहीबार ललितपुर महानगरपालिका वडा नं २ सानेपाबाट पक्राउ गरेको हो । पक्राउ परेका सोनारलाई फैसला कार्यान्वयनको लागि सोही दिन जिल्ला अदालत बारा पठाइएको प्रहरी उपरीक्षक कोइरालाले जानकारी दिए ।