Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठसमाचाररविले गृह नपाएपछि रास्वपाका मन्त्रीहरूले दिए राजीनामा

रविले गृह नपाएपछि रास्वपाका मन्त्रीहरूले दिए राजीनामा


काठमाडौं । राष्ट्रिय स्वतन्त्र पार्टीका सभापति रवि लामिछानेले गृह मन्त्रालयको जिम्मेवारी नपाएपछि सो पार्टीबाट सरकारमा सहभागी मन्त्रीहरुले आइतबार प्रधानमन्त्री पुष्पकमल दाहाल ‘प्रचण्ड’लाई राजीनामा बुझाएका छन् ।

सर्वोच्च अदालतको फैसलापछि सांसद र मन्त्रीविहीन भएका रविले आइतबार दिउँसो पत्रकार सम्मेलन गरी आफ्नो पार्टीले सरकार छाड्ने घोषणा गरेका थिए ।

पत्रकार सम्मेलनमा रविले राजनीतिक दलको भन्दा पनि केही सञ्चारकर्मी र सञ्चार उद्यमीको नाम नै लिएर विरोध गर्दै जँड्याहा भनेका थिए । रास्वपाका तर्फबाट मन्त्रिपरिषद्मा रहेका श्रम, रोजगार तथा सामाजिक सुरक्षामन्त्री डोलप्रसाद अर्याल, शिक्षा, विज्ञान तथा प्रविधिमन्त्री शिशिर खनाल र स्वास्थ्य तथा जनसंख्या राज्यमन्त्री तोसिमा कार्कीले राजीनामा बुझाएका हुन् । रविले भने सर्वोच्चको फैसला आएको दिन अघिल्लो हप्ता नै राजीनामा दिएका थिए । उनले अघिल्लो आइतबार जिल्ला प्रशासन कार्यालय काठमाडौं गएर अघिल्लो आइतबार नेपाली नागरिकता दिएका थिए ।


क्याटेगोरी : समाचार

तपाईको प्रतिक्रिया

guest
0 Comments
Inline Feedbacks
View all comments

ताजा अपडेट

0
Would love your thoughts, please comment.x
()
x