Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठसमाचारचार दशमलव ६२ अंकले उक्लियो सेयर बजार

चार दशमलव ६२ अंकले उक्लियो सेयर बजार


काठमाडौं । सेयरबजार परिसुचक पुन: उकालो लागेको छ । अघिल्लो दिन झण्डै दुई अंकले उकालो लागेको बजार परिसुचक साताको दोस्रो कारोबार दिन आज सोमबार पुन चार दशमलव ६२ अंकले उकालो लागेर २१ सय दशमलव ७० बिन्दुमा चढेको छ ।

यसैगरी ‘क’ बर्गका कम्पनीहरुको कारोबार मापन गर्ने सेन्सिटिभ इन्डेक्स पनि एक दशमलव ८९ अंकले उकालो लागेर चार सय दुई दशमलव १५ बिन्दुमा चढेको छ । आज १३ वटा उपसमुहहरु अन्तर्गत दुई सय ५९ वटा कम्पनीहरुको सेयर कारोबार भएका छन् । जसबाट २९ हजार आठ सय ४६ पटकको कारोबारमा ३९ लाख २२ हजार दुई सय १६ कित्ता सेयर खरिद बिक्री भएकोमा एक अर्ब ४७ करोड ४१ लाख ६१ हजार छ सय ४५ रुपैंयाँको सेयर किनबेच भएको छ ।

नेपाल स्टक एक्सचेन्ज लिमिटेड (नेप्से) मा आज कारोबार भएका कुल समुहहरु मध्ये पाँच वटा उपसमुहहरुको सुचक ओरालो लागेपनि बाँकी आठ वटा उपसमुहहरुको सुचक भने उकालो लागेका छन् ।


क्याटेगोरी : समाचार

तपाईको प्रतिक्रिया