लघुवित्त खारेजीको मागसहित पीडितहरुद्वारा दोस्रो चरणको आन्दोलन घोषणा

काठमाडौं । लामो समयदेखि आन्दोलनरत पीडितहरुद्वारा लघुवित्त वित्तीय संस्थाहरुको खारेजीको मागसहित दास्रो चरणको संघर्षका कार्यक्रम घोषणा गरेका छन् ।

मंगलबार राजधानीको संवाद डबलीमा आयोजित कार्यक्रममा लघुवित्त वित्तीय संस्थाविरुद्धको संघर्ष समितिका केन्द्रीय अध्यक्ष मनिराम ज्ञवालीले पीडितहरु आत्महत्या गर्न बाध्य हुँदासम्म पनि न्याय नपाउँदा कडा आन्दोलनको घोषणा गर्नुपरेको बताए ।

यस्तै संघर्ष समितिकी उपाध्यक्ष सशिला थापाले लघुवित्त संस्थाहरुले गरिब जनतामाथि क्रुरतापूर्वक चक्रिय ब्याज लगाएर आत्महत्या गर्न बाध्य पारिरहँदा पनि सरकारी निकायहरु उल्टै उनीहरुको पक्षमा लागेको आरोप लगाइन् ।

उनले प्रहरी प्रशासनकै अगाडि आफूलाई हातपात गरेको र पीडित महिलालाई वित्तीय संस्थाका कर्मचारीहरुले जिउ बेचेर भए पनि ऋण चुक्ता गर्न भन्दै दुव्र्यवहार गरेको बताइन् ।