सडक नै नपुगेको पालिकाको इन्धन खर्च पाँच लाख !
सोलुखुम्बु । सोलुखुम्बुको खुम्बु पासाङ ल्हामु गाउँपालिकाले चालू आर्थिक वर्ष २०७९/०८० को पहिलो ६ महिनामै सवारी मर्मत तथा इन्धनमा पाँच लाख रकम खर्च गरेको छ । पालिका केन्द्रलाई नै सडक सञ्जालले जोड्न बाँकी रहेको उक्त गाउँपालिकाले सवारी मर्मत तथा इन्धन खर्चमा छ महिनामै करिब पाँच लाख रुपैयाँ रकम खर्च गरेको हो ।
खुम्बुको वडा नम्बर १ बाहेक अन्य वडाहरुमा हालसम्म सडक सञ्जाल पुग्न सकेको छैन । तर पालिकाका जनप्रतिनिधिले इन्धन खर्चबापत ठूलो रकम खर्च गरेको पाइएको छ । पालिकाले बजेटमार्फत नै एक वर्षका लागि इन्धन खर्चका लागि पाँच लाख रकम विनियोजन गरेको तर छ महिनामै सबै रकम खर्च भएपछि थप गर्नुपर्ने स्थिति देखिएको प्रमुख प्रशासकीय अधिकृत मोहन प्रसाद चौलागाईले बताए । यद्यपि पालिकाको गाडी भएको विषयमा वडाका अन्य जनप्रतिनिधिहरु भने अनभिज्ञ छन् ।
एक वडाध्यक्षले भने, ‘हाम्रो पालिकाको आफ्नै सवारीसाधन छ भन्नेबारे मलाई जानकारी छैन ।’ प्रमुख प्रशासकीय अधिकृत चापागाईले भने पालिकाको एउटा ल्याड क्रुजर गाडी काठमाडौंमा सञ्चालन भइरहेकाले खर्च भएको बताए । खुम्बु पासाङ ल्हामु गाउँपालिकाको वडा नम्बर १ स्थित थामडाँडासम्म मात्रै सडक ट्र्याक ओपन भएको छ ।
सडक ट्रयाक ओपन कार्य भइरहेकाले पालिका केन्द्रसम्म सडक पुग्न समय लाग्ने गाउँपालिकाले जनाएको छ ।
क्याटेगोरी : समाचार
ताजा अपडेट
- बाह्र वर्षमै एसइई परीक्षा दिँदै पर्वतका एक छात्र
- कांग्रेस पुन: सरकारमा जान्छ : महामन्त्री थापा
- मिटर ब्याजका पाँच मुद्दामा मिलापत्र
- पेस्तोलसहित कपनबाट एकजना पक्राउ
- सहकारीमा गरेको बचत सुनिश्चित गर्न माग
- बाँकेमा बालविवाह न्यूनीकरण चुनौतीपूर्ण
- निर्माण व्यवसायीले सम्झौताबमोजिम काम नगर्दा योजनाका काम समयमै सम्पन्न भएन : प्रधानमन्त्री
- जलस्रोतमा सबैभन्दा बढी जलवायु परिवर्तनको असर परेको छ : मन्त्री बस्नेत
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया