Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठसमाचारभूकम्पपीडित टर्कीका नागरिकलाई चेम्बरका राहत सहयोग

भूकम्पपीडित टर्कीका नागरिकलाई चेम्बरका राहत सहयोग


काठमाडौं । नेपाल चेम्बर अफ कमर्सले भूकम्पपीडित टर्कीका नागरिकलाई राहत सामग्री सहयोग गरेको छ । टर्कीको गएको महाभूकम्पका कारण प्रभावित भएका नागरिकहरूका लागि मानवीय सहायतास्वरूप चेम्बरले अक्सिजन कन्सन्ट्रेट र पस्मिनाका सामग्रीहरू सहयोग गरेको हो ।

टर्कीका प्रभावित नागरिकका लागि पाँच सय थान पस्मिनाका वस्तु र अक्सिजन कन्सन्ट्रेट सहयोग गरिएको चेम्बरका अध्यक्ष राजेन्द्र मल्लले जानकारी दिए । नेपालमा २०७२ सालको विनाशकारी भूकम्प जाँदा टर्कीले पनि राहत सामग्री उपलब्ध गराएको स्मरण गर्दै अध्यक्ष मल्लले प्राकृतिक विपत्मा एक–अर्का देशका नागरिकलाई मानवीय दृष्टिकोणले सहयोग गर्नुपर्ने बताए । चेम्बरले गृहमन्त्रालयमार्फत सहयोग सामग्री हस्तान्तरण गरेको हो ।

परराष्ट्र मन्त्रालय र अन्य सरोकारवाला निकायबीच समन्वय गरेर आवश्यकताअनुसार नेपालीहरूलाई उद्धार गर्न समेत चेम्बरले आग्रह गरेको छ । चेम्बर अफ कमर्सले यसअघि अफगानस्तानमा पनि मानवीय सहायताअन्र्तगत आर्थिक सहयोग गरेको थियो । परराष्ट्र मन्त्रालयको समन्वयमा चेम्बर अध्यक्ष मल्लसहितको टोलीले अफगानस्तानमा नै पुगेर सहयोग सामग्री हस्तान्तरण गरेको थियो ।


क्याटेगोरी : समाचार

तपाईको प्रतिक्रिया