त्रिभुवन अन्तर्राष्ट्रिय विमानस्थलमा सर्भर डाउन

काठमाडौं । त्रिभुवन अन्तर्राष्ट्रिय विमानस्थलमा अध्यागमन कार्यालयको सर्भर डाउन भएपछि केही उडानसमेत बन्द भएका छन् । उडान बन्द भएकोहुँदा सयौं यात्रुहरु समस्यामा परेका छन् ।

पटकपटक अध्यागमनमा यस्तो समस्या हुँदा गृहमन्त्रालय र अध्यागमन विभागलाई ताकेता गरेपनि समाधान नभएको कर्मचारीहरुकले गुनासो गरेका छन् । करिब एक घण्टादेखि सर्भरले काम नगरे पछि भिसा र पासपोर्टको डिजिटल अध्ययन हुन नसकेकोले उडान प्रभावित भएको अध्यागमनका एक अधिकारीले बताए ।

सर्भर बिग्रिएको कारण फ्लाई दुबई, एयर इन्डिया, इण्डिको एयर, थाई स्माइल, मलेसियन एयरलगायतका ९ वटा जति उडान प्रभावित भएको बताइएको छ । बारम्बार प्राविधिक समस्याबारे जानकारी गराउँदा पनि वास्ता गरिएन अहिले ३र४ सय यात्रु आक्रोशित भएर बसेका छन् । यात्रुको आक्रोश भने हामी कर्मचारीले भोग्नुपरेको छ, ती अधिकारीले भने ।
‘
उडान प्रभावित भएका कारण तेस्रो मुलुकको यात्रा गरिरहेका यात्रुहरूको कनेक्टिङ फ्लाइट छुट्ने सम्भावना बढेको छ ।