एमालेले सरकारलाई दिएको समर्थन यथावत राख्ने

काठमाडौँ । फागुन २५ गतेसम्म नेकपा एमालेले सरकारलाई दिएको समर्थन यथावत राख्ने निर्णय गरेको छ । शनिबार बसेको पार्टी सचिवालय बैठकले फागुन २५ गतेसम्म सरकारबाट नबाहिरिने र सरकारलाई दिएको समर्थन पनि कायम रहने निर्णय भएको पृथ्वीसुब्बा गुरुङले जानकारी दिए ।

उनले भने, ‘२५ गतेसम्म राष्ट्रपति चयनको मिति भएको हुनाले पुस १० गते जुन सहमति भएको थियो, त्यही सहमतिअनुसार अगाडि बढ्ने निर्णय गरेका छौँ ।’

उनले भने, अहिले सरकार फाल्ने र नफाल्ने विषय भन्दा पनि राष्ट्रपतिको मात्रै विषय भएकाले पार्टीले २५ गतेसम्म पर्खने निर्णय गरेको छ ।