प्रधानमन्त्रीलाई राप्रपाका मन्त्रीहरुले बुझाए राजीनामा

काठमाडौँ । प्रधानमन्त्री प्रचण्डलाई राप्रपाका मन्त्रीहरुले राजीनामा बुझाएका छन् । राप्रपाको तर्फबाट प्रधानमन्त्रीसमक्ष सरकारमा सहभागी उपप्रधान तथा उर्जा, जलस्रोत तथा सिचाइमन्त्री राजेन्द्र लिङ्देन, कानुन, न्याय तथा संसदीय मामिलामन्त्री ध्रुवबहादुर प्रधान, उर्जा सहरी विकासमन्त्री विक्रम पाण्डे, जलस्रोत तथा सिचाइ राज्यमन्त्री दीपकबहादुर सिंहले राजीनामा पत्र बुझाएका हुन् ।

शनिबार बसेको राप्रपाको कार्यसम्पादन र संसदीय दलको संयुक्त बैठकले सरकारबाट बाहिरिने निर्णय गरेको थियो । यस्तै राप्रपाले सरकारलाई दिएको विश्वासको मत पनि फिर्ता लिने भएको छ ।